پۆڵەتیک پرێس
وەزارەتی کۆچ و کۆچبەرانی عێراق ڕایگەیاند، هیچ دەسەڵاتێکیان نییە کە بڕیاری چارەنوسساز لەبارەی ئاوارە و پەنابەرانەوە بدەن.
کەریم نوری، بریکاری وەزیری کۆچ و کۆچبەرانی عێراق ئەمڕۆ یەکشەممە ٦ ی حوزەیرانی ٢٠٢١، ڕاگەیەندراوێکی بڵاوکردەوەو تێیدا هاتووە، ” وەک وەزارەتی کۆچ هیچ دەسەڵاتێکی بڕیاردانمان نییە لەبارەی ئاوارەکانەوە بیدەین چ بۆ هاتنیان بۆ عێراق چ بۆ ناردنەوەیان بۆ دەرەوەی عێراق”.
لەبارەی گەڕاندنەوەی پەنابەرانی کەمپی هۆڵ بۆ عێراق، کەریم نوری ئاماژەی بەوە کردووە، ” گەڕاندنەوەی ئەو ئاوارانە لەدەست لایەنە ئەمنیەکاندا بووە، ڕۆڵی وەزارەتیش تەنها دابینکردنی شوێنی مانەوەو پێداویستیەکانیان بووە ئەوەش بە هەماهەنگی لەگەڵ ڕێکخراوە ناوخۆیی و نێودەوڵەتییەکان”.
ڕۆژی ٢٥ ی ئایاری ڕابردوو، ١٠٠ خێزانی ئاوارەی کەمپی هۆڵ لە ڕۆژئاوای کوردستان کە لە ٥٠٠ کەس پێکهاتبوون گەڕێنرانەوە بۆ خاکی عێراق و لە کەمپێکی پارێزگای نەینەوا جێگیرکراون، گەڕاندنەوەیان ناڕەزاییەکی بەرفراوانی بەدوای خۆیدا هێنا.
قەیوان گروپ
مایۆرکا سیتی جوانییەک لە دڵی سروشتدا
