پۆڵەتیك پرێس
پەرلەمانتارێكی هاوپەیمانی فەتح رایدەگەیەنێت، حکومەتی عێراق هەموو کلیلەکانی ڕادەستی ئیدارەی ئەمریکا کردووە و کردویتە ئامرازێک بۆ بەدیهێنانی تەماحی خۆی لە ناوخۆی عێراق بەرامبەر بە سەرکردەکانی حەشدی شەعبی و گەڕانەوەی تیرۆر بۆ ناوچە ئازادکراوەکان.
محەمەد کەریم پەرلەمانتاری هاوپەیمانی فەتح لەپەرلەمانی عێراق ، رایگەیاندووە، عێراق بە قەیرانێکی مەترسیداردا تێدەپەڕێت و حکومەتەكەی مستەفا كازمی سەرۆك وەزیرانی عێراق لەبری ئەوەی ، حکومەتی چارەسەر بێت ، كەچی بووە بە حکومەتی کوشتن و ڕفاندن .
راشیگەیاندووە، حکومەت ئەو وەسێتەی جێبەجێکرد كە ئەمەریكا هەوڵی بۆ دەدا، ئەویش گەڕانەوەی خێزانە داعشەكان بوو لەسوریاوە بۆ عێراق.
وتیشی ” پێویستە حکومەت بەرامبەر ئیدارەی ئەمریکا خاوەن هەڵوێست بێت نەک ببێتە ئامرازێک و کلیلەکانی نهێنی عێراق ڕادەستی ئەمەریکا بكات تا ئەمەریكا لەعێراق ببێت بەهەموو شتێک.
ئاماژەی بەوەشداوە، پەرلەمان یاسای ڕۆیشتنی سەربازەکانی ئەمریکا لە عێراق دەردەکات ، بەڵام حکومەتی عێراق هەوڵ بۆ دواخستنی ئەو بڕیارە دەدات.