ساڵێکی پڕ لە پێشێلکاری بەرامبەر ڕۆژنامەنووسانی عێراق

پۆڵەتیک پرێس

کۆمەڵەی بەرگریکردن لە ئازادی ڕۆژنامەنووسانی عێراق، ئاماری پێشێلکارییەکانی ساڵێکی بەرامبەر ڕۆژنامەنووسان بڵاوکردەوە.

کۆمەڵەکە ڕاپۆرتێکی لەبارەی پێشێلکارییەکان بەرامبەر ڕۆژنامەنووسانی عێراق بڵاوکردووەتەوەو ڕایگەیاند، لەماوەی 2 ی ئایاری 2021 تا 3 ی ئایاری 2021، 267 پێشێلکاری بەرامبەر ڕۆژنامەنووسان لە عێراق ئەنجامدراون.

ئاماژەی بەوەش کردووە، پێشلکارییەکان پێکدێن لە کوشتن، هەڕەشەی کوشتن، دەستگیرکردن، دەستەبەسەرکردن و چەندین جۆر پێشێلکاری دیکە.

بەگوێرەی ڕاپۆرتی کۆمەڵەی بەرگریکردن لە ئازادی ڕۆژنامەنووسانی عێراق، لەماوەی ئەو ساڵەدا 10 هێرشی چەکداری بەرامبەر ڕۆژنامەنووسان و دەزگا میدیاییەکان، 13 داوای یاسایی، 63 حاڵەتی دەستگیرکردن، 141 حاڵەتی هێرش و پەلامار و بەربەست دروستکردن و 28 حاڵەتی دەستبەسەرکردن و داخستن تۆمار کراون.

بەغدا لە پێشەنگی پارێزگاکان دێت بە تۆمارکردنی 77 ڕووداوی پێشێلکاری و دوای ئەویش پارێزگای کەرکوک بە 36 پێشێلکاری و لە پلەی سێیەمیشدا پارێزگای بەسڕە دێت بە تۆمارکردنی 29 پێشێلکاری .