پۆڵەتیك پرێس
وتەبێژی وەزارەتی تەندروستی حكومەتی هەرێم دڵنیایی دەداتە هاووڵاتییان لە پێدانی ڤاكسینی كۆرۆنا و ئاماژە بەوەدەكات تا ئێستا زیاتر لە 110 هەزار هاووڵاتی ژەمە ڤاكسینیان وەرگرتووە بەشێك لەو ژمارەیەش ژەمی دووەمیان وەرگرتووە.
ئاسۆ حەوێزی، وتەبێژی وەزارەتی تەندروستی حكومەتی هەرێم بە پۆڵەتیك پرێسی راگەیاند: ئەو كاروانی ڤاكسینانەی دەگاتە عێراق پشكی هەرێمیش بەردەوام وەكو خۆی دەگات، هەندێك جار لەلایەن كۆمپانیاكانی وەبەرهێناوە دوادەكەوێت، لەمەدا عێراقیش رووبەڕووی ئەو دواكەوتنە دەبێتەوە.
وتەبێژی وەزارەتی تەندروستی وتی: تا ئێستا زیاتر لە 110 هەزار ژەمی ڤاكسین دابەشكراوە و پرۆسەی ناو تۆماركردنەكەش نزیك بووەتەوە لە 180 هەزار كەس كە ناوی خۆیان تۆماركردووە بۆ وەرگرتنی ڤاكسین.
حكومەتی هەرێم لە چوارچێوەی پرۆسەی نیشتمانی عێراقی بۆ دابەشكردنی ڤاكسین رێژەی 17% ی ئەو ڤاكسینەی بۆ دێت كە حكومەتی عێراق دابینی دەكات، هاوكات خۆیشی لە رێگەی كۆمپانیاكانی بەرهەمهێنانی ڤاكسین گرێبەستی كردووە بۆ پێدانی ڤاكسین بە هاووڵاتیان.