مەسرور بارزانی پەیامێكی لەسەر هێرشەكەی ئەمڕۆ بڵاوكردەوە

پۆڵەتیك پرێس

سەرۆكی حكومەتی هەرێمی كوردستان رایگەیاند، بە توندی هێرشی ئەمڕۆی پەكەكە بۆ سەر پێشمەرگە سەركۆنە و شەرمەزار دەكەم و داوا لە پەرلەمانی كوردستان و لایەنە سیاسییەكان دەكەم كە بە یەكدەنگیی لە دژی ئەم دەستدرێژییە بوەستنەوە.

لە تویتێكدا مەسرور بارزانی سەرۆكی حكومەتی هەرێم رایگەیاند: بە توندی هێرشی ئەمڕۆی پەكەكە بۆ سەر پێشمەرگە سەركۆنە و شەرمەزار دەكەم، پرسە و هاوخەمی ئاراستەی بنەماڵەی پێنج شەهیدەكە دەكەم و هیوای چاكبوونەوەی خێرا بۆ بریندارەكان دەخوازم”.

ئەوەشی خستەڕوو، داوا لە پەرلەمانی كوردستان و لایەنە سیاسییەكان دەكات كە بە یەكدەنگیی لە دژی ئەم “دەستدرێژییە” بوەستنەوە.

بە پێی ڕاگەیەنراوێکی وەزارەتی پێشمەرگە، بەرەبەیانی ئەمڕۆ 5 ی حوزەیرانی2021 ،بۆسەیەکی سەربازی بۆ هێزێکی پێشمەرگە لەلایەن هێزێكی (پە كەكە)ەوە دانراوە، لە ئەنجامدا پێنج پێشمەرگە شەهید بوون چوار پێشمەرگەی تریش برینداربوون.

پەخشی راستەوخۆی رادیۆ پۆلەتیک