پۆڵەتیک پرێس
لەگەڵ هاتنی وەرزی هاویندا بەشێکی زۆری خەڵک خواردن و میوە هاوینەکان دەخۆن، بۆ شێدارکردنەوە و دابەزاندنی پلەی گەرمی لەش و دوورکەوتنەوە لە وشکبوونەوە.
باشترین خواردنەکان بۆ وەرزی هاوین:
-شوتی
یەکێکە لە میوە گرنگەکان لە وەرزی هاویندا، ٩٢٪ی پێکهاتووە لە ئاو، یارمەتی شێدارکردنەوەی لەش دەدات، دژەئۆکسانە و ڤیتامینەکانی تێدایە مەترسی توشبوون بە نەخۆشیەکانی دڵ، شێرپەنجە و پەستانی خوێن کەم دەکاتەوە.
-ماستاو یان دۆ
خواردنەوەی ماستاو یان دۆ سوودێکی زۆری بۆ لەش هەیە، چونکە دەوڵەمەندە بە ئاو لەش لە وشکبوونەوە دەپاریزێت و یارمەتی تەندروستی پێست دەدات، کردارەکانی هەرس باشتر دەکات، ڕێنمایی دەدرێت ڕۆژانە پەرداخێک ماستاو یان دۆ لەجێی خواردنەوە گازیەکان بخورێتەوە.
-تەماتە
یەکێکە لەو سەوزەواتانەی دەوڵەمەندە بە مادە سوودبەخشەکان، ٩٥٪ی پێکهاتووە لە ئاو، یارمەتی شێدارکردنەوەی لەش دەدات و پێست لە تیشکی خۆر دەپارێزێت.
-خەیار
ڕیژەیەکی زۆر ئاوی تێدایە، لەبەرئەوە خواردنی خەیار لە وەرزی هاویندا زۆر گرنگە، یارمەتی باشترکردنی کرداری هەرس دەدات، ڕێژەیەکی زۆر ڤیتامین سی تێدایە پێست لە تیشکی خۆر دەپارێزێت.
-مانگۆ
دەوڵەمەندە بە ڤیتامینەکانی ئەی سی ئی یارمەتی تەندروستی لەش دەدات، لە وەرزی هاویند سوودێکی زۆری بۆ لەش هەیە.
-ئاوی گوێزی هندی
بە یەکێک لە خواردنەوە باشەکان دادەنرێت بۆ وەرزی هاوین لەگەڵ ئەوەی تامێکی خۆشی هەیە سوودێکی تەندروستی زۆریشی هەیە، یارمەتی هاوسەنگ کردنی ڕێژەی خوێ و کانزاکانی لەش دەدات، یارمەتی دابەزاندنی کێش، تەندروستی گورچیلەکان و دەمارە خوێنەکان دەدات.