پۆڵەتیک پرێس
لیژنەی یاسایی پەرلەمان جەختی لەوەکردەوە، بەشێک لەهێزە سیاسییەکان هەوڵ دەدەن هەڵبژاردنی پەرلەمان دوابخەن و وتیشی، مانگی تەمموز یەکلادەبێتەوە ئایا هەڵبژاردن لەکاتی خۆیدا بەڕێوەدەچێت یاخود نا.
لەوبارەیەوە سەلیم هەمزە، ئەندامی لیژنەی یاسایی پەرلەمان رایگەیاند، بەشێک لەهێزە سیاسییەکان نایانەوێت هەڵبژاردن لەوادەی خۆیدا بەڕێوەبچێت و هەوڵدەدەن دوایبخەن بۆ نیسانی 2022.
وتیشی، ئەو هێزانە لەڕێی پێشکەشکردنی رەخنە و تانەکانیان بە دادگای فیدڕاڵی و فشارخستنەسەر حکومەت کار بۆ دواخستنی هەڵبژاردنەکان دەکەن.
باسی لەوەشکرد، مانگی تەمموزی داهاتوو یەکلادەبێتەوە ئایا هەڵبژاردنی پەرلەمان لەوادەی خۆیدا بەڕێوەدەچێت یاخود جارێکی دیکە دوادەخرێت و هۆشداریشیدا لەبارەی ئەوەی، رەنگە دۆخی ئەمنی بەشێک لەپارێزگاکانی عێراق و بەئامانجگرتنی چالاکوانان پاڵنەری دیکە بن بۆ دواخستنی هەڵبژاردنی پەرلەمان لەلایەن حکومەتەوە.
قەیوان گروپ
مایۆرکا سیتی جوانییەک لە دڵی سروشتدا
