پۆڵەتیك پرێس
هەریەكە لە وتەبێژی كۆمەڵی دادگەری و یەكگرتووی ئیسلامی رەتیدەكەنەوە پارەیان لە حزبەكانی دەسەڵات وەرگرتبێت و رایدەگەیەنن، ئەو هەواڵە راست نیە.
لەوبارەیەوە وتەبێژی كۆمەڵی دادگەریی رایگەیاند: ئەو زانیاریانەی لە ژمارەیەك لە ماڵپەڕو سۆشیال میدیا باسكراون، گوایە كۆمەڵی دادگەری لە دەرگای جیاوازەوە و لە هەردوو حزبی دەسەڵاتدار پارە وەردەگرین، رایدەگەیەنین كە ئەو زانیاریانە ناڕاستن و رەدی دەكەینەوە.
لەلایەكی دیكەوە وتەبێژی یەكگرتووی ئیسلامی رایگەیاند: سەبارەت بەو هەواڵە كە تیایدا هاتووە یەكگرتووی ئیسلامی كورستان، مانگانە پارە لە كەسانی حزبی دەسەڵات وەردەگرێت، ئێمە لە یەكگرتوو، تایبەت بەو بەشەی خۆمان، سەرلەبەری ئەو هەواڵە رەتدەكەینەوە و رایدەگەیەنین كە هیچ بنەمایەكی راستی نییە.
وتەبێژی یەكگرتوو راشیگەیاندوە، یەكگرتوو مافی یاسایی خۆی دەپارێزێت بۆ تۆمار كردنی سكاڵا لەسەر ئەم جۆرە هەواڵە هەڵبەستراوانە.
قەیوان گروپ
مایۆرکا سیتی جوانییەک لە دڵی سروشتدا
