پۆڵەتیک پرێس
پزیشکێکی پسپۆڕ لە بواری خۆراک باس لە سوودی خواردنی سەوزەوات و میوەکان بە توێکڵەکانیانەوە دەکات و دەڵێت، هەندێک جار توێکڵەکانیان سوودیان لە بەرهەمەکە زیاترە.
پزیشکەکە دەڵێت، توێکڵی کولەکە و باینجان دوو ڕەنگی جیاواز و سوودێکی زۆریان هەیە، توێکڵی باینجان مادەی ئەنسۆسیانینی تێدایە دژەئۆکسانە و یارمەتی کەم کردنەوەی هەوکردنەکان دەدات، توێکڵی کولەکە دەوڵەمەندە بە کلۆرۆفیل و ڤیتامین سی هەوەرها دژەئۆکسانە.
توێکڵی لیمۆ و پرتەقاڵ دەوڵەمەندن بە ڤیتامین سی و ڕیشاڵ و دژەئۆکسانەکان، توێکڵی سێو و خەیاریش بەهەمان شێوە سوودێکی زۆری تەندروستی هەیە، بەڵام پەتاتە کاتێک توێکڵەکەی سەوزە نابێت بەتوێکڵەکەیەوە بخورێت چونکە ژەهراویە.
پزیشکەکە جەختی لەوەش کردەوە، خواردنی سەوزەوات و میوەکان بە توێکڵەکانیانەوە سوودێکی زۆر بە لەش دەگەیەنێت.