پۆڵەتیک پرێس
سامسۆنگ مۆبایلێکی نوێی فایف جی بەنرخێکی ڕکابەری بۆ بەکارهێنەرانی دروست دەکات.
مۆبایلی گالاکسی ئەی ٢٢ فایف جی شاشەکەی لەجۆری ئای پی ئێس ئێڵ سی دیە بەقەبارەی ٦.٥ ئینج و دیقەی پیشاندانی ١٦٠٠/٧٢٠ پێکسڵ، سێ کامێرای بنەڕەتی بەدیقەی(٢+٨+٤٨) مێگاپێکسڵ هەیە، دیقەی کامێرا سێڵفیەکەی ١٣ مێگاپێکسڵە و توانای ناسینەوەی دەموچاوی هەیە.
چارەسەرکەری میدیا تەک دایمێنسیتی ٧٠٠ فایف جی و چارەسەرکەری وێنەی مالی جی ٥٧ ئێم سی ٢ی تێدابەکارهاتووە، ڕامەکەی چوار گێگابایتە، میمۆریەکەی ٦٤ یان ١٢٨ گێگابایتە.
مۆبایلەکە لەمسە و شوێنی دوو سیمی هەیە، بە سیستمی ئەندرۆید ١١ کاردەکات، دەرچەی یو ئێس بی تایپ سی٢ و پارچەی ئێن ئێف سی هەیە، دەرچەی بیستۆکەکەی ٣.٥ ملیمە، خێرای پاتریەکەی ٤٥٠٠ میلی ئەمپێرە، چاوەڕوان دەکرێت لە کۆتای نیوەی یەکەمی ئەمساڵدا بەنرخی ١٨٥ یۆرۆ بخرێتە بازاڕەوە و یەکێک دەبێت لە هەرزانترین مۆبایلەکانی فایف جی بۆ ئەمساڵ.