هۆكاری وازهێنانی زیدان لە ڕیاڵ مەدرید !

چەند كاتژمێرێك لەمەو پێش زەینەدین زیدانی ڕاهێنەری ڕیاڵ مەدرید دەستی لە كار كێشایەوە و وازی لە ڕیاڵ مەدرید هێنا

زیدان لەم وەرزەدا هیچ ناسناوێكی بەدەست نەهێنا لەگەڵ ڕیاڵ ڕیاڵ مەدرید،بەهۆی كەڵەكەبوونی پێكانەكان وڤایرۆسی كۆرۆنا،زیاتر لە 60 جار یاریزانەكانی زیدان تووشی پێكان هاتن

ڕۆژنامەی ماركای ئیسپانی هۆكاری وازهێنانی زیدانی ئاشكرا كرد كە چەند مانگێك ئەو بڕیارەی داوە بەهۆی گومانكردن لە كارەكان و تواناكانی زیدانەوە

ڕۆژنامەكە باسی ئەوەشی كرد كە هۆكاری سەرەكی مانگی یەك بوو كە لە جامی شا بەرامبەر یانەی كۆیانۆ ماڵئاوایی كرد و تووشی كۆرۆنا هات،دواتر داوای كرد ڕێز لە كارەكەی و ماندووبوونی یاریزانەكان بگرن

ماركا گوتیشی كارگێڕی ڕیاڵ مەدرید ئەو بڕوایەیان لا دروست بووە كە پێویستە ڕاهێنەرێكی تر و بە فكرێكی تر و ساتیلێكی جیاواز ببێتە ڕاهێنەر و گۆڕانكاری گەورە بكات

هەروەها ماركا باسی ئەوەشی كرد كە لەم وەرزەدا زیدان هەستی بە دلخۆشی نەدەكرد هەرچەندە كارگێڕی ڕیاڵ مەدرید بە ئاشكرا پشتگیری زیدانیان دەكرد،بەڵام زیدان وازی هێنا چونكە گومانیان لە تواناكان و بیرۆكەكانی زیدان هەبوو

شایەنی باسی زیدان لە مانگی یەكی ساڵی 2016 بووە ڕاهێنەری ڕیاڵ مەدرید و لە هاوینی 2018 دەستی لە كار كێشایەوە،جاری دووەمیش لە مانگی سێی 2019 گەڕایەوە ڕیاڵ مەدرید و ئەمڕۆ دووبارە دەستی لە كار كێشایەوە و وازی لە ڕیاڵ مەدرید هێنا

پەخشی راستەوخۆی رادیۆ پۆلەتیک