پۆڵەتیك پرێس
بەگوێرەی زانیارییەكانی پۆڵەتیك پرێس کێشەی دابەشکردنی موچەی فەرمانبەرانی هەرێم چارەسەرکرا و هەفتەی داهاتوو موچەی سەرجەم وەزارەتەکان دابەشدەکرێت.
سەرچاوەیەک لە وەزارەتی دارایی و ئابوری حکومەتی هەرێمی کوردستان بەپۆڵەتیك پرێسی رایگەیاند، کێشەی موچە فەرمانبەران چارەسەر کراوە و پارەی پێویست گەیشتووەتە وەزارەتی دارایی بۆ دابەشكردنی موچە.
سەرچاوەكە راشیگەیاند، دابەشكردنی موچە خێراتر دەبێت و بڕیارە ئەمڕۆ لیستی موچەی سەرجەم وەزارەتەكان بڵاو بكرێتەوە و لەهەفتەی داهاتوودا موچەی سەرجەم وەزارەتەکان دابەش دەکرێت.
بەپێی ئەو لیستەی وەزارەتی دارایی ڕایگەیاندووە، ئەمڕۆ پێنج شەممە مووچەی دیوانی وەزارەتی پێشمەرگەو یەكشەممەی داهاتووش مووچەی هێزەكانی 70 و 80 دابەشدەكرێت.
پێشتر حكومەتی هەرێم رایگەیاند، دابەشكردنی موچەی فەرانمانبەران لەكۆتایی هەموومانگێكدا یەكلایی بۆتەوەو لە 25 ی هەموو مانگێ موچە دابەشدەكرێت، بەپێی خشتەی وەزارەتی دارایی و ئابوری هەرێمیش لەیەكەم رۆژی دەستكردن بەدابەشكردنی موچەی هەشت وەزارەت دابەشدەكرا.
هاوكات شەوی دووشەممە لەراگەیەندراوێكدا وەزارەتی دارایی و ئابوری هەرێم بڵاویكردەوە، لەسەر ڕاسپاردەی سەرۆکی ئەنجومەنی وەزیران، وهزیری دارایی و ئابوری ڕەزامەنیدا بە پێدان و خەرج کردنی موچەی مانگی 5 ی ساڵی 2021 بۆ کارمەندانی وهزارهتی تهندروستی و بەو هۆشەوە لەرۆژانی سێشهممه و چوارشهممه، رێکەوتی 25- 26 ئەم مانگە، بهپێی میكانیزمی مانگی پێشوو واتە بەلێبڕینی لە 21% تەنها موچەی وهزارهتی تهندروستی دابهشكرا.
هاوكات جوتیار عادل وتەبێژی حكومەتی هەرێم لەكۆنگرەیەكی رۆژنامەوانیدا رایگەیاند، بەهۆی نەبوونی داهاتی پێویست دابەشکردنی موچە دواکەوت و لەماوەی دوو رۆژدا تەنها موچەی وەزارەتی تەندروستی دابەشکراوەو تا ڕۆژی یەک شەممەی داهاتووش موچەی وەزارەتی پێشمەرگە دابەش دەکرێت ئەوەش نیگەرانی فەرمانبەران و موچە خۆرانی هەرێمی کوردستانى لێكەوتەوە.