یه‌كێتى تۆپی پێی كوردستان بڕیار و ڕاسپاردەی نوێی ده‌ركرد

دووشەممە 2021/5/24 به‌ ئاماده‌بوونى سه‌رۆك و جێگر و ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى ئاسایی خۆی ئه‌نجامداو، ئه‌م بڕیار و راسپاردانه‌ى خواره‌وه‌ى ده‌رکرد

١- بەمەبەستی ڕەخساندنی دەرفەتی زیاتر بۆ یاریزانانی بەشداربووی ئەم وەرزەی خولی نایابی تازەپێگەیشتووان بڕیاردرا :

أ- یانەکانی پلە ( دوو )

ب- یانە بەشداربووەکانی خولی نایابی لاوان

ج- یانە بەشداربووەکانی خولی جامی لاوانی کوردستان

ھەر یانەیەک مافی زیادکردنی ( 3 ) سێ یاریزانی ھەیە لە یاریزانە بەشداربووەکانی خولی تازەپێگەیشتووانی نایابی کوردستان ، بەمەرجێک مافی دەستبەردابوونی ( استغناء ) یانەکەی ھەبێت .

٢- یاریزانانی خولی نایابی لاوان پێویستە دانیشتووی ھەمان شار بن ، جگە لەو یاریزانانەی کە قوتابین یاخود ئەرکیان لە شارێکیترە ، ئەویش پێویستە بیسەلمێنێت بە نوسراوێکی فەرمی کە لەو شارە جێگیرە .

٣- ڕێگەدان بە یاریزان( سەرکەوت سوار ) بە یاریکردن وەکو یاریزانی ناوەوەی ھەرێمی کوردستان .

٤- ھاوکاری بەڕێز ( گۆران مەولود ) قوتابی دکتۆرا لە زانکۆی کۆیە ، لە ئەنجامدانی نامەی دکتۆرا .

٥- پێداچوونەوە بە ئەرکی ناوبژیوانی لەسەر داوای ناوبژیوانان .

٦- داوا لە سەرجەم یانەکانی بەشداربوو لە خولی پلە ( یەک ) ی فوتساڵی کچان دەکەین ، بە نوسراوێکی فەرمی بەشداریکردنیان دووپاتبکەنەوە

دواکاتیش بۆ گەیاندنی نوسراوی فەرمی 2021/6/10 دەبێت .

٧- لە خولی فوتساڵی پلە ( یەک ) تەنھا ( یەک ) یاریزانی دەرەوەی ھەرێمی کوردستان دەتوانێ بەشدار بێت .

٨- ڕاسپاردنی جێگری سەرۆکی یەکێتی تۆپی پێ بۆ سەرپەرشتی لێژنەی ھەڵسەنگاندن ، بۆ دانانی سەرپەرشتیارانی ھەڵسەنگاندنی ناوبژیوانانی خولی پلە ( دوو ) .

ئەرسەلان قادر ، سیروان سەلمان ، سەبھان ئەحمەد ، لەبیب حەبیب ، کوردستان زاھیر ، عەبدوڵڵا عابد ، عومەر عوسمان ، عەباس عەلی .

٩- یەکێتی تۆپی پێی کوردستان ستایشی ڕۆڵی بەرچاوی ھاندەران و ئاستی بەرپرسیارەتی کارگێڕی یانە بەشداربووەکانی خولی پلە ( دوو ) ماندووبوونی پیاوانی ( پۆلیس و ئاسایش و تەندروستی ) دەکات ، لەبەرامبەر ئەو وێنە جوان و نمونەییەی لەگەڕی ( یەکەم ) ی خولی پلە ( دوو ) نیشانیاندا ، ھیوادارین بۆ زیاتر جوانکردنی سیمای وەرزشی کوردستان ھەمووان بەردەوامبن لەسەر ئەم کارە جوانانە . ھەروەھا ڕاگەیاندنکارانی خۆشەویست تەواوکەری کارە جوانەکان بوون ، بۆیە سوپاسیان دەکەین و ماندووبوونیان بەرز و پیرۆز دەنرخێنین .