یەكێتی: داهاتی سلێمانی دەگەڕێتەوە بۆ حكومەت

پۆڵەتیك پرێس

جێگری سەرۆكی فراكسیۆنی یەكێتیی لە پەرلەمانی كوردستان دەڵێت، داهاتی سلێمانی بۆ حكومەت دەگەڕێتەوە و تەنها لە مانگی ڕابردوودا 153 ملیار دینار داهاتی سلێمانی گەڕاوەتەوە بۆ حكومەت و ئەگەر تەنها داهاتی نەوت بە دروستی و شەفافی كۆبكرێتەوە كە ناكرێتەوە، بە زیادەوە بەشی مووچە دەكات.

لوقمان وەردی جێگری سەرۆكی فراكسیۆنی یەكێتی لە پەرلەمانی كوردستان لە كۆنگرەیەكی ڕۆژنامەوانیدا ڕایگەیاند: وەك فراكسیۆنی یەكێتی پێداگری لە دابینكردنی مووچەی فەرمانبەران دەكەن و لێبڕینی مووچەی فەرمانبەران تەواو نایاساییە و ئەگەر تەنها داهاتی نەوت بە دروستی و شەفاف كۆبكرێتەوە كە ناكرێتەوە، بە زیادەوە بەشی مووچە دەكات.

لە وەڵامی لێدوانی هەندێك لە پەرلەمانتارانی پارتی كە وتویانە داهاتی سلێمانی ناگەڕێتەوە بۆ حكومەت وتی: داهاتی سلێمانی بۆ حكومەت دەگەڕێتەوە و تەنها لە مانگی ڕابردوودا 153 ملیار دینار گەڕاوەتەوە بۆ حكومەت.

باسی لەوەشكرد كە دەوازەی باشماخ بەستراوەتەوە بە سیستمی ئەلكترۆنی حكومەت لەكاتێكدا دەروازەی ئیبرایم خەلیل نەبەستراوەتەوە.