پۆڵەتیك پرێس
وەزارەتی دارایی و ئابووری هەرێم لەنوسراوێكدا بڕیارێكی لەبارەی دابەشكردنی داهاتی وەزارەتی شارەوانی و گەست و گوزاردەركرد بەگوێرەی بڕیارەكەی وەزارەتی دارایی رێژەی لە 100%ی داهاتی فرۆشتی زەوی بۆ وەزارەتی شارەوانی دەبێت.
بەپێی بڕیارێكی وەزارەتی دارایی كە ئاراستەی وەزارەتی شارەوانی و گەشت و گوزاری حكومەتی هەرێمی كردووە تێیدا رەزامەندی دەربڕیوە لەسەر نوێكردنەوەی خەرجكردنی هەندێك لەداهاتی وەزارەتی شارەوانی و گەشت و گوزار بۆ ساڵی 2021.
وەزارەتی دارایی لەو نوسراوەیدا كە ئاراستەی وەزارەتی شارەوانی كردووە رەزامەندی دەربڕیوە كە رێژەی لە 15% ی داهاتی شارەوانی و رێژەی لە15%ی داهاتی گەشت و گوزار ز رێژەی لە 17%ی داهاتی ئاو و رێژەی لە 100%ی داهاتی فرۆشتی زەوی بۆ وەزارەتی شارەوانی دەبێت.
كوردۆ عومەر وتەبێژی وەزارەتی شارەوانی و گەشتوگوزار بەپۆڵەتیك پرێسی راگەیاند، كۆی ئەو داهاتەی لەوەزارەتی شارەوانی و گەشت و گوزار كۆدەكرێتەوە دەگەڕێندرێتەوە بۆ وەزارەتی دارایی و دوای جێبەجێكردنی رێنماییەكان وەزارەتی دارایی رێژەی لە 15% ی داهاتی شارەوانی و رێژەی لە15%ی داهاتی گەشت و گوزار ز رێژەی لە 17%ی داهاتی ئاو دەگەڕێنێتەوە بۆ وەزارەتی شارەوانی و گەشت و گوزار.
وتیشی، كۆی ئەو داهاتەی دەگەڕێتەوە وەزارەتی شارەوانی و گەشت و گوزار ئەیدات بەشارەوانی شارەكان و فەرمانگەكانی خۆی تا بۆ ئەو پڕۆژانە خەرجی بكەن كەڕاستەوخۆ خزمەت بەهاوڵاتیان دەگەیەنێت.
بەوتەی كوردۆ عومەر وتەبێژی وەزارەتی شارەوانی و گەشتوگوزار، داوایان لەئەنجومەنی وەزیران و وەزارەتی دارایش كردووە لەگێڕانەوەی داهاتەكاندا رەچاوی ئەو ناوچانە بكرێت كە داهاتیان كەمە.