پارێزەرانی بەرگریكار لە بارەی بینینی سزادراوانی بادینان چی دەڵێن؟

پۆڵەتیك پرێس

سەرۆكی تیمی پارێزەرانی بەرگریكار لە سزادراوانی بادینان دەڵێت سبەی یەكشەممە، سەردانی ئاسایشی هەولێر دەكەن بە مەبەستی بینینی سزادراوانی بادینان، هەرچەندە تا ئێستا رێگەیان پێنەدراوە چاویان پێیان بكەوێت.

بەشدار حەسەن، سەرۆكی تیمی پارێزەرانی بەرگریكار لە سزادراوانی بادینان بە پۆڵەتیك پرێسی راگەیاند: بڕیارە سبەی یەكشەممە سەردانی سزادراوانی بادینان بكەین لە گرتووخانەی ئاسایشی هەولێر، ئەگەر رێگەمان پێبدەن.

وتیشی: دوای سزادان هەموو كاتێك بەپێی یاسا رێگە پێدان هەیە بۆ پارێزەری سزادراو، بەڵام ئێمە تا ئێستا نەمانتوانیوە چاومان بە سزادراوانی بادینان بكەوێت، هەركات داوای بینینان دەكەین هەر جارەی بە بیانوویەك رێگەمان پێنادرێت چاومان پێیان بكەوێت.

لە 16ی شوباتی ڕابردوو سزای زیندانیكردنی هەریەك لە (شێروان شێروانی، شڤان سەعید، ئەیاز كەرەم، هەریوان عیسا و گۆهدار زێباری) لەلایەن دادگای تاوانی دووی هەولێرەوە دەركرا، پارێزەرانی بەرگریكار لە سزا دراون، داوای پێداچوونەوە(تەممیز)ی بڕیارەكەیان كرد بەڵام دادگای پێداچوونەوە لەسەرەتای مانگی ئایار بڕیاریدا بە وەڵامدانەوەی داواكە بە پەسەندكردنی بڕیاری دادگا تاوانی دووی هەولێر سەبارەت بە سزادانی بەندكراوان.

قەیوان گروپ

 


مایۆرکا سیتی جوانییەک لە دڵی سروشتدا