پۆڵەتیك پرێس
بەمەبەستی دانانی بەردی بناخەی پرۆژەیەكی سایلۆ و دروستكردنی چەند كارگەیەكی بەرهەمەكانی گەنم، بڕیارە سبەینێ سەرۆكوەزیرانی هەرێمی كوردستان سەردانی سلێمانی بكات.
حسێن حەمە كەریم، وتەبێژی وەزارەتی كشتوكاڵ و سەرچاوەكانی ئاوی هەرێم بە پۆڵەتیك پرێس-ی راگەیاند: “سبەی یەكشەممە 23ی ئایار، مەسرور بارزانی، سەرۆكوەزیرانی هەرێمی كوردستان سەردانی سلێمانی دەكات، بەمەبەستی دانانی بەردی بناغەی پرۆژەیەكی سایلۆ تا ئەمساڵ ئەو سایلۆیە گەنم لە جوتیارانی سنووری سلێمانی وەربگرێت”.
وتەبێژی وەزارەتی كشتوكاڵ و سەرچاوەكانی ئاوی هەرێم وتیشی “پرۆژەكە زۆر گەورەیە، جگە لە دروستكردنی سایلۆیەك، چەند كارگەیەكیش بۆ بەرهەمەكانی دیكەی گەنم دروست دەكرێن”.
لای خۆشیەوە بێگەرد تاڵەبانی وەزیری كشتوكاڵ و سەرچاوەكانی ئاو رایگەیاند: “پرۆژەكە لەسەر رووبەری 500 دۆنم زەوی بەردی بناغەی پرۆژی دروستكردنی سایلۆیەكی گەنم و چەند كارگەیەكی بەرهەمەكانی گەنم دادەنرێت و بۆ ئەمساڵ ئەو سایلۆیە گەنم لە جوتیارانی سلێمانی و هەڵەبجە و ئیدارەكانی راپەڕین و گەرمیان وەردەگیرێت”.
ئەمە لەكاتێكدایە، لە رۆژی 18ی ئەم مانگەش، سەرۆکوەزیرانی هەرێمی کوردستان گەورەترین کارگەی بەرهەمهێنانی ئاسنی لە هەولێر كردەوە و ئاماژەی بەوەكرد، بەردەوام دەبن لە پشتیوانیکردنی کەرتی تایبەت و هەوڵی هەمەجۆرکردنی ئابووریی کوردستان دەدەن.
قەیوان گروپ
مایۆرکا سیتی جوانییەک لە دڵی سروشتدا
