پۆڵەتیک پرێس
سەلمان غەریباوی پەرلەمانتاری هاوپەیمانی سائیرون رایگەیاند، دۆسیەی گەڕانەوەی هێزەکانی پێشمەرگە بۆ پارێزگای کەرکوک لەدەستی فەرماندەی گشتی هێزە چەکدارەکانی عێراقدایە و لاریمان لەسەری نییە.
ئەو پەرلەمانتارەی سائیرون بەمیدیا عێراقییەکانی راگەیاند، هێزەکانی پێشمەرگە بەشێکن لەسیستمی بەرگری عێراق و موچەکانیشیان لەحکومەتی عێراقەوە بۆدێت، وتیشی: بابەتی گەڕانەوەی هێزەکانی پێشمەرگە بۆ کەرکوک دەبێت بەهەماهەنگی و رێککەوتن لەگەڵ بەغدا بەڕێوەبچێت.
لەدرێژەدا سەلمان غەریباوی وتی: پێویستە دۆسیەی بوونی هێزەکانی پێشمەرگە لەکەرکوک دووربێت لەدەستوەردانی سیاسی و لەدەستی لایەنی پەیوەندیدار و لایەنە سەربازی و ئەمنییەکاندا بمێنێتەوە.
رۆژی هەینیش میدیاکان لەزاری سەرچاوەیەکی سەربازییەوە بڵاویان کردەوە، هێزەکانی پێشمەرگە لەهەفتەی داهاتوودا دوای رێککەوتن لەگەڵ حکومەتی فیدڕاڵی دەست بەگەڕانەوە بۆ کەرکوک دەکەن.