پۆڵەتیک پرێس
کۆمپانیای ئۆپۆ مۆبایلێکی نوێ بە تایبەتمەندییەکی زۆر دروست دەکات تا یەکێک بێت لە باشترین مۆبایلەکان، کە کار لەگەڵ تۆڕی فایف جی دەکات.
مۆبایلی ئۆپۆ ڕینۆ ٦ پرۆ فایف جی پێکهاتەکەی لە کانزا و شوشەیەک دروستکراوە بەرگەی ڕوشان دەگرێت، دووریەکانی (١٦٠.٨/٧٢.٥/٨) ملیمە، کێشەکەی ١٨٨ گرامە، شاشەی مۆبایلەکە لەجۆری ئەمۆلیدە بەقەبارەی ٦.٥٥ ئینج و دیقەی پیشاندانی ٢٤٠٠/١٠٨٠ پێکسڵ و شەپۆلی ٩٠ هێرتز، تێکڕای ڕووناکیەکەی ٥٠٠ مۆمە.
چارەسەرکەری کوالکۆم سناپ دراگۆن ٨٧٠ فایف جی و چارەسەرکەری وێنەی ئەدرینۆ ٦٥٠ی تێدابەکارهاتووە، ڕامەکەی هەشت یان ١٢ گێگابایتە، میمۆریەکەی ١٢٨ و ٢٥٦ گێگابایتە، مۆبایلەکە سێ کامێرای بنەڕەتی بەدیقەی (٢+١٣+٥٠) مێگاپێکسڵ هەیە، دیقەی کامێرا سێڵفیەکەشی ٣٢ مێگاپێکسڵە و توانای ناسینەوەی دەموچاوی هەیە.
مۆبایلەکە بە سیستمی ئەندرۆید١١ کاردەکات، دەرچەی بیستۆکەکەی ٣.٥ ملیمە، ڕیشاڵی ئێن ئێف سی هەیە، خێرای پاتریەکەی ٤٥٠٠ میلی ئەمپێرە.