پۆڵەتیک پرێس
لیژنەی دارایی پەرلەمانی عێراق رایگەیاند، نوێکردنەوەی پلەی وەزیفی تەنیا لەڕێی دانانی یاسایەکی نوێی بودجەوە بەدیدێت.
لەوبارەیەوە ئەحمەد سەفار، بڕیاردەری لیژنەکە رایگەیاند، ئەو جیاوازییەی لەنرخی ئێستای نەوت و نرخی نەوت بەوجۆرەی لەبودجەی گشتی عێراقدا دیاریکراوە هەیە، بۆ پڕکردنەوەی کورتهێنانی بودجە و بودجەی وەبەرهێنان بەکاردەهێنرێت.
وتیشی: لەیاسای بودجەدا نرخی بەرمیلێک نەوت بە 45 دۆلار دیاریکراوە، بەڵام لەم چەند مانگەی رابردوودا نرخی نەوت بەرزبوونەوەی بەرچاوی بەخۆیەوەبینی و بەرمیلێک نەوتی برێنت 65 دۆلاری تێپەڕاند.
پێشتریش وەزارەتی نەوتی عێراق رایگەیاند، بەرزبوونەوەی نرخی نەوت، کاریگەریی ئەرێنی دەبێت لەسەر زیادبوونی داهات و کەمکردنەوەی کورتهێنانی بودجە.