پۆڵەتیک پرێس
جێنین هێنیس پلاسخارت، نوێنەری تایبەتی ئەمنیداری نەتەوە یەکگرتووەکان لەعێراق رایگەیاند، پەسەندکردنی دەستوور لەهەرێمی کوردستان دەبێتە فاکتەری هێز بۆ هەموو عێراق.
لەمیانی کۆنفرانسی یەکڕیزی و دەستوور لەهەولێری پایتەختی هەرێم پلاسخارت وتی: دیموکراسیەت لەشەو و رۆژێکدا بەدینایەت، بەڵکو پڕۆسەیەکی درێژخایەنە و پێویستی بەدیالۆگە لەگەڵ سەرجەم لایەنەکان و پێویستە سەرکردایەتی هەرێم چارەسەر بۆ هەموو کێشە ئێستاییەکان و کێشە درێژمەوداکان بدۆزێتەوە.
بەپێی قسەی پلاسخارت، یەکڕیزی تەنیا لەنێوان پارتی دیموکراتی کوردستان و یەکێتی نیشتیمانیدا کورتنابێتەوە، بەڵکو دەبێت لەنێوان سەرجەم لایەنەکاندا بێت.
لەبارەی هەڵبژاردنی پێسوەختەوە پلاسخارت وتی: دەمەوێت دووپاتی بکەمەوە لەدوای مانگی تشرینی یەکەم عێراق دەچێتە قۆناغێکی دیکەوە و بەشداری هاوڵاتیان لەو هەڵبژاردنە زۆر شت دەگۆڕێت.
لەکۆتایی قسەکانیدا پلساخارت ئەوەیخستەڕوو، ئەو دەستوورەی گفتوگۆی لەبارەوە دەکەن کاریگەری هەیە لەسەر بەهێزکردنی عێراق و زۆر گرنگە هەمووان بەیەکەوە کار بۆ بەهێزکردنی هەرێمی کوردستان بکەن.