پۆڵەتیک پرێس
لیژنەی ئاسایش و بەرگری پەرلەمانی عێراق ڕایگەیاند، چالاککردنەوەی رێککەوتنە ئەمنیەکەی نێوان هەولێر و بەغدا تەنها بۆ هۆکاری ئەمنییە و لە ناوەڕۆکەکەشیدا باسی پرسی سنورەکان نەکراوە.
بەدر زیادی، ئەندامی لیژنەی ئاسایش و بەرگری پەرلەمانی عێراق ئەمڕۆ سێشەممە ١٨ ی ئایاری ٢٠٢١، لەبارەی رێککەوتنی نێوان هێزەکانی پێشمەرگە و سوپای عێراق ڕایگەیاند، لە رێککەوتنە ئەمنیەکەی نێوان هەولێر و بەغدا هیچ هێڵێکی سنوری باس نەکراوە، بەڵکو تەنها پرۆسەی هاوبەشی و هاوکاری هەواڵگری لە زانیارییە ئەمنیەکان ئاماژەی پێ کراوە”.
وتیشی، ” بەڕێوەبەردن و فەرماندەیی ئەو هاوبەشیە هەواڵگریانە لەلایەن دەسەڵاتی فیدڕاڵیەوەیە نەک کورد”.
لەبارەی هۆکاری چالاککردنەوەی ئەو ڕێککەوتنە زیادی وتی، ” بەهۆکاری ئەو بۆشاییە ئەمنیانەی هەیە کە دەکرێ بە هەماهەنگی فەرماندە فیدڕاڵی و کوردییەکانەوە تێپەڕێنرێت”.
پێشتر مستەفا کازمی، سەرۆک وەزیرانی عێراق دەستپێشخەرییەکی بۆ چالاککردنەوەی ڕێککەوتنی ئەمنی نێوان سوپای عێراق و هێزەکانی پێشمەرگە پێشکەش کرد کە ئامانج لێی ڕیگریکردنە لە چالاکبوونەوەی داعش لە ناوچە ناکۆکی لەسەرەکان و بەتایبەتتریش لەو ناوچانەی هەردوولا بەریەکدەکەون.
قەیوان گروپ
مایۆرکا سیتی جوانییەک لە دڵی سروشتدا
