دیپای لە گەرمەی ڕێكەوتن لەگەڵ بارسا وازی لە بریكارەكەی هێنا !

میمفس دیپای ئەستێرەی هۆڵەندی و یاریزانی یانەی لیۆن دوای ئەوەی ئاشكرای كرد كۆتایی وەرز یانەی لیۆن بەجێدەهێڵێت،ڕایگەیاند كە لە بریكاری كارەكانیشی جیابووەتەوە و خۆی دانوستان لەگەڵ بارسا دەكات

دیپای لە تۆڕی كۆمەڵایەتی ئینیستاگرام بڵاوی كردەوە كە لە بەڕێوەبەری كارەكانی جیابووەتە و لەمەبەدوا  لە ڕێگەی خۆیەوە كارەكان دەكات

هەروەها دەڵێت:كاتی ئەوە هاتووە خۆم سەركردایەتی داهاتووم و كاروانی وەرزشیم بكەم

گوتیشی:گەیشتووم بە قۆناغێك كە پێویستە خۆم بڕیارە گرنگەكان بدەم سەبارەت بە داهاتووم،بڕیارم داوە خۆم دانوستان و ڕێككەوتنەكان بكەم سەبارەت بە ژیانی وەرزشیم

لە كۆتاییدا دیپای گوتی:خۆم یانەی داهاتووم دیاری دەكەم،یەكەم كەس ئێوەی لێ ئاگادەر دەكەمەوە(واتا خەڵك و هاندەران)

شایەنی باسە میمفیس دیپای كۆتای ئەم وەرزە لیۆن بە جێدەهێڵێت و بەپێی سەرجەم سەرچاوەكان نزیكترین یانە بارسێلۆنایە كە پەیوەندی پێوە بكات