پۆڵەتیک پرێس
پسپۆڕی تایبەت بە بواری خۆراک دەڵێت: هەندێک خواردنەوەی گەرم یان سارد ڕۆڵێکی گرنگیان لە کرداری هەرس و دابەزاندنی کێشدا هەیە، هەروەها ڕێژەی شەکری خوێن ڕێکدەخەن، پێچەوانەی خواردنەوەکانی دیکە یان سۆدە کالۆریەکەی زۆری تێدایە.
پێنچ خواردنەوە یارمەتی کرداری هەرس دەدات و کێش دادەبەزێنێت:
-چای سەوز
گرنگترین خواردنەوەی گەرمە یارمەتی کرداری هەرس و دابەزاندنی کێش دەدات، دژەئۆکسانە، وزە بە لەش دەبەخشێت، خواردنەوەی چای سەوز نیو کاتژمێر دوای نان خواردن یارمەتی سووتاندنی چەوری دەدات.
-خواردنەوەی زیرە
تۆوی زیرە ڕۆڵێکی زۆری لە دابەزاندنی کێشدا هەیە، دەتوانرێت بکرێتە ئاوەوە و پاشان بخورێتەوە، ڕۆژانە خواردنەوەی یارمەتی دابەزاندنی کێش دەدات، دژەئۆکسانە ڕێگری لە ئاوسانی سک دەکات و کرداری هەرس باشتر دەکات، دەتوانرێت کەمێک یانسونیش بۆ خواردنەوەی زیرە زیابکرێت ڕێگری لە غازات دەکات.
-ئاو
لەگەڵ ئەوەی ئاو یەکێکە لەو خواردنەوانەی هیچ کالۆریەکەی تێدا نییە، وزەیەکی زۆر بەلەش دەبەخشێت، کردارەکانی لەش و بەتایبەتی کرداری جگەر چالاکتر دەکات.
-خواردنەوەی زەنجەبیل و هەنگوین و لیمۆ
زەنجەبیل لەگەڵ هەنگوین و لیمۆ یارمەتی سووتاندنی چەوری دەدات و هەستی تێربوون زیاد دەکات، شێوازی ئامادەکردن و بەکارهێنانی: دوو کەوچک زەنجەبیلی هاڕاو یان فرێش دەکەیتە ئاوی گەرمەوە بۆماوەی پێنچ خولەک وازیلێدەهێنیت، دواتر کەوچکێک هەنگوین و کەوچکێک ئاوی لیمۆی تێدەکەیت، جوان تێکەڵی دەکەین پاشان ڕۆژانە پێش یان دوای نان خواردن دەیخۆیتەوە.
-خواردنەوەی نەعنا
نەعنا یەکێکە لە ئەنزیمەکانی هەرس کردن، یارمەتیدەرە لە گۆڕینی چەوریەکان بۆ وزە، ئەمەش دەبێتە هۆی دابەزاندنی کێش، ئامۆژگاری دەکرێت نەعنای فرێش بەکاربهێنرێت لەجێی وشککراو، چونکە کاریگەری زیاترە.
قەیوان گروپ
مایۆرکا سیتی جوانییەک لە دڵی سروشتدا
