یه‌كێتى تۆپی پێی كوردستان بڕیار و ڕاسپاردەی نوێی ده‌ركرد

دوێنێ دووشەممە 2021/5/17 به‌ ئاماده‌بوونى سه‌رۆك و جێگر و ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى ئاسایی خۆی ئه‌نجامداو، ئه‌م بڕیار و ڕاسپاردانەی خواره‌وه‌ى ده‌رکرد .

١ – ئاگاداری سەرجەم ناوبژیوانانی کوردستان دەکەینەوە پێویستە لە دوای ھەر یاریەک و بە زووترین کات و کەمتر لە ( 2 ) دوو کاتژمێر ، ڕاپۆرتی یاری بگاتە یەکێتی تۆپی پێی کوردستان ، ئەویش لەڕێگەی ژمارە تەلەفۆنی واتساپ ( 07504601147 ) .

٢ – ئاگاداری بۆ سەرجەم یانەکان

أ- یاری ئاگرین بەھەموو شێوەیەک قەدەغەیە .

ب- ئەو منداڵانەی لەکاتی یاریەکان تۆپ دەھێننەوە ، پێویستە تا کۆتایی یاری لە یاریگە بمێننەوە .

بە پێچەوانەوە بەرپرسیارەتی لە ئەستۆی خۆیانە .

٣ – ئاگاداری بۆ یانەی برایەتی کە پێویستە یاریگە بە باشی ئامادەبکات لە پاککردنەوەی تەلبەندی چواردەوری یاریگە و شوێنی دانیشتنی ناوبژیوانی چوارەم .

٤ – داوا لە سەرجەم سەرپەرشتیاران دەکەین سەردانی لێژنەی پێشبڕکێکان بکەن بۆ تازەکردنەوەی باجی سەرپەرشتیاری یاری .

٥ – داوا لەسەرجەم سەرپەرشتیارانی سەرجەم خولەکان دەکەین ، دوای یاری پەیوەندی بە سکرتێر و لێژنەی سەرپەرشتیاران بکەن بۆ پێدانی ئەنجامی یاری .

٦- بەھۆی کشانەوەی یانەی ھەولێر لە خولی نایابی لاوان ، خشتەی یاریەکان گۆڕانکاری بەسەردا دێت و لە نزیکترین کات خشتە و کاتی یاریەکان ڕادەگەیەنرێت .

٧- سەرجەم یاریەکانی خولەکانی کوردستان کاتژمێر ( ٤:٣٠ ) چوار و سی خولەک بەڕێوەدەچێت .

٨- خولی پلە ( دوو ) ڕۆژانی پێنج شەممە و ھەینی 2021/5/21،20 بەڕێوەدەچێت .

٩- خولی پلە نایاب ، ڕۆژی شەممە 2021/5/22 بەرێوەدەچێت .

١٠- لە خولی پلە ( دوو ) ، یاری نێوان زانکۆی سەڵاحەدین و زانکۆی جیھان ڕۆژی شەممە 2021/5/22 لە یاریگەی فڕەنسۆ ھەریری٢ بەڕێوەدەچێت .