پۆڵەتیك پرێس
وتەبێژی فراكسیۆنی یەكێتی لە پەرلەمانی عێراقدا دەڵێت، پۆستی سەرۆككۆمار كە پشكی كوردە هەڕەشەی لەسەرە و باس لەوەش دەكات، هەر لە ئێستاوە ئاماژەكان دڵخۆشكەر نین بۆ هەڵبژاردنە پێشوەختەكەی تشرینی داهاتوو، پێدەچێ ببێتە سەرەتای تەقینەوەی یەكجاری ململانێی ناوەكی ركابەرە سەرەكیەكان و بەریەككەوتنی بەرژەوەندی زلهێزەكانی دەرەكی.
لە نووسینێكدا لە پەڕەی تایبەتی خۆی لە تۆڕی كۆمەڵایەتی فەیسبوك بەختیار شاوەیس وتەبێژی فراكسیۆنی یەكێتی نووسیویەتی: هەرلەئێستاوە ئاماژەكان دڵخۆشكەر نین بۆ هەڵبژاردنە پێشوەختەكەی تشرینی داهاتوو، پێدەچێ ببێتە سەرەتای تەقینەوەی یەكجاری ململانێی ناوەكی ركابەرە سەرەكیەكان و بەریەككەوتنی بەرژەوەندی زلهێزەكانی دەرەكی.
دەشڵێت، كورد تەنها ناوی كاندیدەكانی ئاشكرا كردوە و رۆڵی تەماشاكەر دەبینێ، بەڵام دەست هەڵدەگرێ لەسەرۆككۆماری؟! ئەمەیان ماویەتی لێی بگەین بەڵام هەڕەشەیشی لەسەرە.
دەقی نووسینەكە:
هەڵبژاردن یان تەقینەوەی پێشوەخت؟!
هەر لە ئێستاوە ئاماژەكان دڵخۆشكەر نین بۆ هەڵبژاردنە پێشوەختەكەی تشرینی داهاتوو، پێدەچێ ببێتە سەرەتای تەقینەوەی یەكجاری ململانێی ناوەكی ركابەرە سەرەكیەكان و بەریەككەوتنی بەرژەوەندی زلهێزەكانی دەرەكی.
كۆكردنەوەی ئەم فاكتانەی خوارەوە راستی قسەكانی سەرەوە زیاتر دەردەخات:
١- جنین بلاسخارت نوێنەری نەتەوە یەكگرتووەكان لە عیراق ، سێشەمەی رابردوو لەئەنجومەنی ئاسایش هۆشداری لەفەشەلی هەڵبژاردنی پێشوەختەداو گوتی بەم دۆخە ئەمنیەوە هەڵبژاردنی پێشوەخت شكست دەهێنێت، ئەمەش دوای ئەوە هات كە:
٢- ئیهاب ئەلوەزنی چالاكوان لەكەربەلا تیرۆركراو و شەوی دواتر خۆپیشاندەران بینای سەفارەتی ئێرانیان هەر لەوێ سوتاند.
ئەمە لەكاتێكدا كە بلاسخارت بە عەرابی هەڵبژاردنی پێشوەخت دادەنرێ لەدوای خۆپیشاندانەكانی تشرینی ٢٠١٩
٣- هەرلەئێستاوە سەدریەكان دەڵێن ١٠٠٪ سەرۆك وەزیرانی داهاتوو لەئێمە دەبێت، ئەمەش بەمانای؛ تەقینەوەی ناكۆكیەكانی ناو ماڵی شیعە، چونكە هێزە حەشدەیەكانی نزیك ئیران، بەم پەیامەی سەدریەكان رازی نین و جاروبار لەسەر شەقامەكانی بەغداد باسكی هێزیان نمایش دەكەن و دەڵێن ئامادەی شەڕین.
هەربۆیە:
٤- بەپەلە عەمار حەكیم بژاردەی بەهێزی بایكۆتی هەڵبژاردنی لەناو ماڵی شیعە وروژاند.
٥- لەولایشەوە ، هەر لەئێستاوە حەلبوسی و جەماعەتەكەی تەپڵ بۆ سەرۆككۆماری لێدەدەن، كەئەمەش بەمانای:
٦- تەقینەوەی تەواوەتی ناكۆكی لایەنە سونیەكان، بەتایبەتی لەنێوان خەمیس خەنجەر و محمد حەلبوسی.
٧- لەهەردوو تابلۆ شیعی و سونیەكەوە، پاشەكشەی خۆكاندیدكردنی ئەو چالاكوانانەی لێكەوتەوە كە لەمەیدانی تەحریر داوای گۆڕینی سیستەمی سیاسی و گۆرینی دەستوور و دەركردنی دەستی دەرەكیان دەكرد.
٨- لەپەیوەندیدا بەكوردەوە،
كورد تەنها ناوی كاندیدەكانی ئاشكرا كردوە و رۆڵی تەماشاكەر دەبینێ، بەڵام دەست هەڵدەگرێ لەسەرۆككۆماری؟! ئەمەیان ماویەتی لێی بگەین بەڵام هەرەشەیشی لەسەرە.
پرسیارێكی جدی ماوە؟
ئەرێ بەراست ئەگەر هەر لەئێستاوە شیعەكانی سەدر سەرۆك وەزیران و سونەكانی حلبوسی سەرۆككۆماریان بۆخۆیان مسۆگەر كردوە، ئیتر هەڵبژاردن چی مەغزایەك هەڵدەگرێ، جگە لەتەقینەوەیەكی پێشوەختی ناكۆكیەكان؟
یان ئەمە ئەوە نیە كە:
هەڵبژاردن ئەگەر بیشكرێت نەتیجەی نابێت
د.بەختیار شاوەیس
قەیوان گروپ
مایۆرکا سیتی جوانییەک لە دڵی سروشتدا
