پۆڵەتیک پرێس
ئیحسان عەبدولجەبار، وەزیری نەوتی عێراق بەیاننامەیەکی بڵاوکردەوە تیایدا داوای لەسەرجەم پێکهاتەکانی وەزارەتەکەی کرد بەبۆنەی هاتنی جەژنی رەمەزانەوە بڕێک هاوکاری دارایی پێشکەش بەچەند چین و توێژێکی کۆمەڵگا بکەن.
لەبەیاننامەکەدا هاتووە، “لەگەڵ نزیکبوونەوەی جەژنی رەمەزانی پیرۆز، تیمێک لەوەزارەت پێکدەهێنرێت بەمەبەستی بەخشینی هاوکاری دارایی بەبڕی 250 هەزار بۆ ئەو کەسانەی لەخانەی بێسەرپەرشتان و بەساڵاچووان و ناوەندەکانی تایبەت بەشێرپەنجەی منداڵان لەپارێزگای بەسڕە دەژین”.
بڕیارە رۆژی سێشەممە 11ی ئایار لیژنەی باڵای بینینی مانگ لە هەرێمی کوردستان کۆببێتەوە و بە هەماهەنگی لەگەڵ وەقفی سوننی عیراقی یەکەم رۆژی جەژنی رەمەزان دیاریبکەن.