لە 26 رۆژی رەمەزاندا 122 شوێن لە سلێمانی داخراون

پۆڵەتیك پرێس

قایمقامی سلێمانی ڕایگەیاند، لە ماوەی 26 رۆژی مانگی رەمەزان، 122 شوێن  بەهۆی پابەند نەبونیان بەڕێنماییەكان داخراون

ئاوات محەمەد،  قایمقامی سلێمانی لە کۆنگرەیەکی رۆژنامەوانیدا رایگەیاند: لەماوەی 26 رۆژی  مانگی رەمەزاندا لیژنەھاوبەشەکانی قایمقامیەتی سلێمانی حەوت  ھەزار و 815 جار سەردانی بازاڕو ماركێت و شوێنە گشتییەكانیان كردووە و لەکۆی ئەو سەردانانە 825 سەرپێچی لەلایەن لیژنەكانیانەوە تۆمارکراوە.

قایمقامی سلێمانی راشیگەیاند، لەماوەی رابردووی مانگی رەمەزاندا  122 شوێن بەهۆی پابەند نەبوونیان بە رێنماییەكانەوە  لەلایەن لیژنە هاوبەشەكانیانەوە داخراون و پێنجسەدو 52  پسوڵەی ئاگادارکردنەوەوەشیان  بۆ ئەو شوێنەنانە كردووە كە لیژنەكانیان سەردانی كردون و 12 کەیسیان رووبەرووی دادگا کردووەتەوە.

ئاوات محەمەد ئاماژەی بەوەشكرد، 52  تەن مەوادو خۆراكی ماوە بەسەرچوو دەستیان بە سەردا گیراوەو لەلایەن لیژنەكانیانەوە لەناوبراون و بەبڕی  48  ملیۆن 250 ھەزاردیناریش  ئەو شوێنانە سزادراون کە پابەندی رێنمایی لیژنەكانیان نەبوون.

 

 

قەیوان گروپ

 


مایۆرکا سیتی جوانییەک لە دڵی سروشتدا