پۆڵەتیك پرێس
وەزیری تەندروستی حكومەتی هەرێم رایدەگەیەنێت “هەرچەندە ڕەوشی كۆرۆنا لەژێر كۆنترۆڵدایە، بەڵام پێویستە هاوڵاتیان لە رۆژانی جەژندا بەوریاییەوە مامەڵەبكەن و پابەندی رێنماییە تەندروستییەكان بن”.
سامان بەرزنجی، وەزیری تەندروستی هەرێم لە كۆنگرەیەكی رۆژنامەوانیدا رایگەیاند: “رەوشی كۆرۆنا لەهەرێم لەژێر كۆنترۆڵی تەندروستیدایە، بەڵام داوا لەهاوڵاتیان دەكەین بۆ رۆژانی جەژن پابەندی بڕیارو رێنماییەكان بن و ماسك ببەستن”.
وەزیری تەندروستی وتیشی “بەكارهێنان و هاتنی ڤاكسین بەردەوامی هەیە و وەك هەرێمیش رێككەوتنی سەرەتایمان كردووە بۆ بەدەستخستنی ڤاكسین، چاوەڕوانی بڕیاری كۆتایین”.
ئەمە لەكاتێكدایە، بەبڕیاری وەزارەتی ناوخۆی هەرێم بۆ رۆژانی جەژن بڕیاری قەدەغەی هاتووچۆ هەڵوەشێنرایەوە و دەسەڵات بە پارێزگار و ئیدارەسەربەخۆكاندرا بۆ گرتنەبەری رێكاری پێویست.
قەیوان گروپ
مایۆرکا سیتی جوانییەک لە دڵی سروشتدا
