سوودەکانی ئاوی ماست بۆ پێست و قژ

پۆڵەتیک پرێس

ئاوی ماست سوودێکی زۆری بۆ پێست و قژ هەیە، لەبەشێکی زۆری تێکەڵە سروشتیەکاندا بەکاردەهێنرێت، چونکە دژەئۆکسانە و ڤیتامین و کانزاکانی تێدایە.

سوودەکانی ئاوی ماست بۆ پێست:

-دەوڵەمەندە بە کانزاکانی پۆتاسیۆم، کالیسیۆم، مەگنسیۆم و فۆسفۆڕ، هەروەها ڤیتامینەکان، پڕۆتین، کاربۆهیدرات و چەوریەکان، ئەمانەش سوودێکی زۆریان بۆ پێست هەیە.

-ئاوی ماست دژەئۆکسانە، ڕێگری لە چرچولۆچی دەکات و یارمەتی گەشەی پێست دەدات.

-یارمەتیدەرە لە بەرهەمهێنانی کۆلاجین کە یارمەتی ڕەونەقدارکردنەوەی پێست دەدات.

-یارمەتی لابردنی پێستی مردووی دەموچاو دەدات.

-چارەسەرێکە بۆ پێستی چەور و زیپکە.

-وەک چارەسەرێک بەکاردەهێنرێت بۆ ئەو پەڵانەی بەهۆی تیشکی خۆرەوە دروست بوون.

-یارمەتیدەرە بۆ ئەو پێستانەی هەستیاریان هەیە.

سوودەکانی ئاوی ماست بۆ قژ:

-ئاوی ماست یارمەتی گەشەی قژ لە ڕەگەوە دەدات و قژ بەهێز دەکات.

-بریقە و ڕەونەق بە قژ دەبەخشێت.

-چارەسەری کێشەکانی قژ دەکات.

-ڕێگری لە هەڵوەرینی قژ دەکات.

-یارمەتی لابردنی چەوری زیادەی سەر دەدات کە دەبێتە هۆی چەوربوونی قژ.

-پێستی سەر و قژ شێداردەکاتەوە و ڕێگری لە وشکبوونیان دەکات.