پۆڵەتیك پرێس
سەرۆكی ئەنجومەنی ناحییەی سەرگەڕان رایگەیاند، چالاكی و جموجوڵەكانی داعش لەسنوری سەرگەڕان لەزیادبوندایەو هێزەكانی سوپای عێراقیش خەمساردن لەروبەڕووبونەوەیان ئەوەش مەترسی لەسەر ژیانی هاوڵاتیان دروستكردووە.
بەدرەدین شەمسەدین سەرۆكی ئەنجومەنی سەرگەڕان لەسنوری پارێزگای كەركوك بەپۆڵەتیك پرێسی راگەیاند، چەكدارانی داعش بەئاشكرا و بەبێ ترس لەسنوری گوندەكانی ناحییەی سەرگەڕان كەزۆرینەیان كوردنشینن سەرقاڵی چالاكی و خۆڕێكخستنەوەن و هێزەكانی سوپای عێراقیش لەو سنورە لێیان ناپرسنەوە.
وتیشی، چالاكی چەكدارانی داعش بووەتە جێگەی مەترسی لەسەرژیانی دانیشتوانی گوندەكانی سەرگەڕان و بەئاشكرا تەقەدەكەن پەیام بەدانیشتوانی ناوچەكە دەدن كە ئەگەر جێگەی چەكدارانی داعش ئاشگرا بكەن ژیان دكەوێتە مەترسییەوە.
ئاماژەی بەوەشكرد، ئەوەی لای چەكدارانی داعش گرنگ بێت و هەڵویستەی بۆبكەن بۆردومانی هێزەكانی هاوپەیمانان و فرۆكەی هاوپەیمانانە و داعش هیچ سڵێك لەبونی هێزەعێراقییەكان ناكاتەوە لەسنوری ناحییەی سەرگەڕان.
ناحییەی سەرگەڕان دەكەوێتە سنوری ماددەی 140 سنوری پارێزگای كەركوك و 42 گوند لەخۆدەگرێت، دوو لەو گوندانە عەرەبی رەسەنن و ئەوەی دەمێنێتەوە كورد نشینن.
قەیوان گروپ
مایۆرکا سیتی جوانییەک لە دڵی سروشتدا
