نرخی نەوت دادەبەزێت

پۆڵەتیك پرێس

بەراورد بە دوو رۆژی رابردوو، ئەمڕۆ هەینی نرخی نەوت بەشێوەیەکی بەرچاو نزم بوەوە بەشێوەیەك، نرخی بەرمیلێک نەوتی خاوی برێنت بە 68 دۆلار و 44 سەنت مامەڵەی پێوەدەكرێت.

لەدوو رۆژی رابردوودا بەهۆی زیاتر دابەزینی پشکەکانی ئەمریکا و کردنەوەی بازاڕەکانی بەریتانیا و ئەوروپا نرخی نەوت بەشێوەیەکی بەرچاو بەرزبووەوە بەجۆرێک نرخی بەرمیلێک نەوتی خاوی برێنت نزیکبووەوە لە 70 دۆلار.

ئەمڕۆ هەینی ئاژانسەکانی تایبەت بە نەوت و وزە بڵاویانكردەوە، نرخی بەرمیلێک نەوتی خاوی ئەمریکی بە 65 دۆلار و پێنج سەنت لەبازاڕەکاندا مامەڵەی پێوەدەکرێت.

ئەمە لەكاتێكدایە، ساڵی رابردوو دوای بڵاوبوونەوەی ڤایرۆسی کۆرۆنا و کەمبوونەوەی خواست لەسەری، نرخی یەک بەرمیل نەوتی خاوی برێنت لە خوار 20 دۆلارەوە مامەڵەی پێوەدەکرا، ئەوەش نزمترین ئاستی بوو لە ماوەی 19 ساڵی رابردوودا.

قەیوان گروپ

 


مایۆرکا سیتی جوانییەک لە دڵی سروشتدا