حکومەتی هەرێم پرۆژەکانی بەڵێندەران پشتگوێ دەخات

پۆڵەتیك پرێس

لقی سلێمانی یەکێتی بەڵێندران نیگەرانن بەرامبەر بە بڕیارەکانی حکومەت، چونكە بووەتە هۆی پشتگوێ خستنی پرۆژەکانیان.

میران کامل، وتەبێژی لقی سلێمانی یەکێتی بەڵێندەرانی کوردستان رایگەیاند: “چەند ساڵێکە بەڵێندەران پارەکانیان ڕاگیراوە تووشی قەیرانی زۆربونەتەوە، بە سەدان پرۆژە ڕاگیراوە کەساڵی رابردوو چەند پرۆژەیەک پارەی بۆدەرچوو بەڵام تایٔێستاش پارەکانیان بۆ خەرجنەکراوە”.

وتەبێژی لقی سلێمانی یەکێتی بەڵێندەرانی وتیشی” حکومەتی هەرێم لە ئێستادا بودجەی داڕشتۆتەوە بەشێوازێک کێشەی بەڵێندەران و قەرزی بانکی بەڵێندەران و پرۆژەکانی پشتگوێ خستووە و دەیەوێت پرۆژەی تازە بکات، ئەمەش جێگەی ناڕەزایەتی کۆی بەڵێندەرانە، بەمەش ناچار دەبین هەڵوێستی ترمان هەبێت، چونکە ئێمە چاوەڕێبوین لەدوای پەسەندکردنی بودجەو هاتنی پارە حکومەت قەرەبوی پرۆژەکان بكاتەوە”

بەوتەی میران كامل، چەندین پرۆژەیان هەیە لەساڵەکانی ٢٠١٤ وە ڕاوەستاون، لەكاتێكدا چاوەڕوانی قەرەبوو راگەیاندنی پرۆژەی نوێبوون، داواش لە حكومەت دەكەن كێشەكانیان بۆ چارەسەر بكات، چونكە بە هەزاران پرۆژە لە سنوری سلێمانی راگیراوە و مەترسی مایە پوچبونیان لەسەرە.

قەیوان گروپ

 


مایۆرکا سیتی جوانییەک لە دڵی سروشتدا