بەفەرمی ئێران ئامادەیە بۆ دیالۆگی سعودیە

پۆڵەتیک پرێس

وەزارەتی دەرەوەی ئێران ڕایگەیاند، وڵاتەکەی ئامادەیە لەسەر هەر ئاستێک بێت دیالۆگ لەگەڵ سعودیە ئەنجامبدات.

لەوبارەیەوە سەعید خەتیبزادە، وتەبێژی وەزارەتی دەرەوەی ئێران ئاماژەی بەوەکرد، گۆڕانی زمان و لێدوانی سعودیە بەرامبەر ئێران یارمەتیدەرە لەکەمکردنەوەی ناکۆکییەکان.

وتیشی: بەڵام ئەم گۆڕانکارییانەی سعودیە هیچ ئەنجامێکی کردەییان نابێت ئەگەر نەبنەهۆی گۆڕانکاری لەڕەفتاردا.

شەوی یەکشەممە ڕۆژنامەی نیویۆرک تایمز لەزاری چەند بەرپرسێکی عێراق و ئێرانەوە بڵاویکردەوە، سەرۆکی هەواڵگری سعودیە مانگی ڕابردوو دەستیکردووە بە دیالۆگی نهێنی لەگەڵ بەرپرسێکی باڵای ئەمنی ئێران لەبەغدا.

 

پەخشی راستەوخۆی رادیۆ پۆلەتیک