پۆڵەتیك پرێس
وەزارەتی تەندروستی حكومەتی هەرێمی كوردستان رایدەگەیەنێت “هاتنی شه‌پۆلی ڤایرۆسی كۆرۆنای هیندی ته‌نها پڕوپاگه‌نده‌یه و لەئەگەری هانتیشی رێوشوێنی پێویست گیراوه‌ته‌به‌ر”.
د. ئاسۆ حه‌وێزی، وتەبێژی وەزارەتی تەندروستی هەرێم بۆ میدیاكانی ئاشكراكردووە، تۆماركردنی حاڵەتی كۆرۆنای هندی لە عێراق رەتكراوەتەوە و ئێمه‌ش به وردی چاودێری هاتنی هه‌ر ڤایرۆسێكی دیكه یان شه‌پۆلی ڤایرۆس ده‌كه‌ین و رێوشوێنی پێویست گیراوه‌ته به‌ر.
وتەبێژی وەزارەتی تەندروستی دەشڵێت ” له كاتی هه‌بونی هه‌ر زانیارییه‌كدا، تا له‌لایه‌ن ده‌زگای په‌یوه‌ندیداره‌وه پشتڕاست نه‌كرێته‌وه جێگەی باوەڕ نییە و پێویستە هاوڵاتیان و دەزگا راگەیاندنەكان بە هۆشیاریەوە مامەڵە لەگەڵ زانیارییەكان بكەن”.
حەوێزی دوای لە هاوڵاتیانیش كرد بۆ وەرگرتنی پێكوتەی دژە كۆرۆنا خۆیان تۆمار بكەن و جەختیكردەوە هیچ جیاوازیەك لەنێوان جۆری ڤاكسینەكان نییە.
ئەمە لەكاتێكدایە، سەرچاوەیەک لەپارێزگای زیقاڕ لەخوارووی عێراق ڕایگەیاند، یەکەم حاڵەتی کۆرۆنای گۆڕاوی هندی لەپارێزگاکە تۆمارکراوە.
قەیوان گروپ
مایۆرکا سیتی جوانییەک لە دڵی سروشتدا
