بومەلەرزەیەکی بەهێز پێنجوێنی هەژاند

ئەم بابەتە 71 جار بینراوە

پۆڵەتیك پرێس

بەڕێوەبەرایەتی گشتی کەشناسی و بومەلەرزەزانی هەرێمی کوردستان بڵاویکردەوە، سەعات 11ی پێشنیوەڕۆی ڕۆژی یەکشەممە بومەلەرزەیەك لە قەزای پێنجوێنی سەربە پارێزگای سلێمانی ڕوویداوە.

بەپێی بڵاوکراوەکەی کەشناسی هەرێم، بومەلەرزەکە بەدووری حەوت کیلۆمەتر لەقەزای پێنجوێن بەگوڕی 3.6 پلە بەپێوەری ڕێختەر و بەقوڵایی حەوت کیلۆمەتر ڕوویداوە.

سەرەتای ئەم مانگەش، بومەلەرزەیەك بەگوڕی 5.4 پلە بەپێوەری ڕێختەر پارێزگاكانی سلێمانی و هەڵەبجە و دەوروبەریانی هەژاند و لەقەزای پێنجوێن بووەهۆی زیانگەیاندنی ماددی بەچەند باڵەخانە و خانوویەك، چەقی بومەلەرزەكەش شاری مەریوانی ڕۆژهەڵاتی كوردستان بوو.

پەخشی راستەوخۆی رادیۆ پۆلەتیک