پۆڵەتیک پرێس
خواردنی چەرەسات لە ڕەمەزاندا سوودێکی زۆری هەیە، بادەمیش یەکێکە لەو چەرەسانەی سوودێکی زۆری بۆ تەندروستی لەش و پێست و قژ هەیە.
سوودەکانی خواردنی بادەم لە ڕەمەزاندا:
-یارمەتی کرداری هەرس دەدات
بادەم سەرچاوەیەکی گرنگە بۆ ڕیشاڵەکان، خواردنی مشتێک بادەم یان خواردنەوەی کوپێک شیری بادەم یارمەتی جوڵەی کرداری هەرس دەدات، هەروەها یارمەتی بەکتریای سوودبەخشی ڕیخۆڵە دەدات.
-یارمەتی شێدارکردنەوەی پێست دەدات
لەکاتی بەڕۆژوبوندا پێست وشک دەبێتەوە، چارەسەری ئەمەش بەکارهێنانی شێدارکەرەوەیە کە لە بادەم دروست کرابێت بۆ ڕەونەقدارکردنەوەی پێست.
-بەرگری لەش بەهێز دەکات
بادەم دەوڵەمەندە بە چەوریە سوودبەخشەکان، پرۆتینەکان و دژەئۆکسانەکان، ئەم تایبەتمەندیانەش یارمەتی تەندروستی خانەکان دەدات و بەرگری لەش بەهێز دەکات.
-کۆلیستڕۆڵی خوێن دادەبەزێنێت
بادەم یارمەتی دابەزاندنی ڕێژەی کۆلیستڕۆڵی خوێن دەدات.
-توشبوون بە نەخۆشی شەکرە کەمدەکاتەوە
توێژینەوەکان دەریدەخەن خواردنی بادەم ڕێژەی شەکری خوێن و ئەگەری توشبوون بە نەخۆشی شەکرە کەمدەکاتەوە.
-پەستانی خوێن دادەبەزێنێت
بادەم دەوڵەمەندە بە مەگنسیۆم، یارمەتی دابەزاندنی پەستانی خوێن دەدات.