زیاتر لە چوار ملیۆن ڤاكسینی فایزەر بۆ عێراق و هەرێم دابین دەكرێَت

پۆڵەتیك پرێس

تەندروستی عێراق ئاشكرای كرد، گرێبەستێكیان بۆ كڕینی چوار ملیۆن و 500 ژەمە ڤاكسین لە جۆری فایزەر واژۆكردووەو بەشێكی بەر كوردستان دەكەوێت.

نوسینگەی حەسەن تەمیمی وەزیری تەندروستی عێراق ئاشكرایكرد، گرێبەستێكیان لەگەڵ كۆمپانیای فایزەر كردووە تاوەكو بڕی چوار ملیۆن و 500 هەزار ڤاكسینی دژە كۆرۆنایان لێ بكڕن.

ئاماژە بەوەشكراوە، عێراق هەر ڤاكسینێك بكڕێت ئەوا پشكی هەرێمی كوردستانی تێدایە، بۆیە لەو چوار ملیۆن و 500 هەزارە، زیاتر لە 250 هەزار ڤاكسین بەر هەرێمی كوردستان دەكەوێت.

ئێستا سێ جۆر لە ڤاكسین لە عێراق هەن كە ئەوانیش بریتین لە ڤاكسینەكانی ئەسترازێنیكا، فایزەر و سینۆفارم.

ئەوەش لەكاتێكدایە، سەرەڕای گەشتنی ڤاكسین بۆ عێراق و هەرێم، بەڵام هێشتا بەشێك لە هاوڵاتیان بە گومان لە سەلامەتی بەكارهێنانی ئەو ڤاكیسنانە.

لەماوەی رابردودشدا چەندینجار بەرپرسانی تەندروستی دڵنیاییان لە سەلامەتی بەكارهێنانی ئەو ڤاكسینانە داوە.