کازمی جارێکی دیکە سەردانی ئەمریکا دەکات

پۆڵەتیک پرێس

مستەفا کازمی، سەرۆک وەزیرانی عێراق لە مانگی ٧ ی ئەمساڵدا جارێکی دیکە سەردانی ئەمریکا دەکات.

بەپێی هەواڵی چەند میدیایەکی عێراقی سەردانەکەی مستەفا کازمی لەبارەی چەند پرسێکی وەک ستراتیژی نوێی ئەمریکا و کشانەوەی هێزەکانی ئەمریکا و ئاستی پەیوەندییەکانی هەردوو وڵات دەبێت.

پرسی ئابووری و وەبەرهێنانی کۆمپانیا ئەمریکییەکان لە پارێزگاکانی باشووری عێراق یەکێکی تر لەو پرسانە دەبێت کە کازمی و جۆ بایدن، سەرۆکی ویلایەتە یەکگرتووەکانی ئەمریکا لەبارەیەوە دەدوێن.

لە دوای سەردانەکەی مانگی ٨ ی ساڵی ڕابردووەوە ئەمە دووەم سەردانی کازمی دەبێت بۆ ئەو وڵاتە لەوکاتەوەی کە لە مانگی ئاداری ساڵی ڕابردووەوە پۆستی سەرۆک وەزیرانی عێراقی وەرگرتووە.

 

 

 

پەخشی راستەوخۆی رادیۆ پۆلەتیک