بزوتنەوەی گۆڕان: ئازادی بیروڕا لە هەرێم لە پاشەکشێدایە

پۆڵەتیك پرێس

لەیادی (123) ساڵەی رۆژی رۆژنامەگەری  کوردیدا ، ژوری رۆژنامەوانی بزوتنەوەی گۆڕان رایدەگەیەنێت،بڕوامانوایە ئازادی بیروڕا و ئازادی رۆژنامەوانی لە هەرێمی کوردستاندا لە پاشەکشێدایە، دەشڵێت،میدیا و میدیاکارە پیشەگەرەکان بێ ڕۆڵ دەکرێن، میدیای فەیک و نابەرپرس لەپەرەسەندندایە.

ئەمڕۆ، پێنج شەممە 22ی نیسان لە یادی (123) ساڵەی رۆژی رۆژنامەگەری  کوردیدا لە راگەیەنراوێکدا بزوتنەوەی گۆڕان جەخت دەکاتەوە کە بڕوای تەواوی بە میدیای ئازاد هەیە و پڕۆژە سیاسیەکەشی بە بەرهەمی پشتیوانی میدیای ئەهلی و رۆشنبیر و نوسەران و ئازادیخوازان دەزانێت.

لەراگەیەندراوەكەدا ئەوەشهاتووە، ئێمە لەکاتێکدا رۆژی رۆژنامەگەری  کوردی دەکەینەوە بەڵام لەهەرێمی كوردستان بە پلان کار بۆ شێواندنی ڕاستیەکان و تێکدانی ئاشتی کۆمەڵایەتی دەکرێ، زمانی میدیایی بۆ ئاستێکی نزمی گفتوگۆ و لێکتێگەیشتنی سیاسیی دابەزێنراوە، بڵاوکردنەوەی زانیاری ناڕاست و پەیامی چەواشەکاری بازاڕگەری بۆ دەکرێت، ژمارەیەک لە سیاسیەکان بە پارەی گەندەڵی و قاچاخچێتی پشتیوانی دارایی لە ژمارەیەک ئامرازی میدیایی ئاراستەکراو دەکەن و، لەبەرامبەریشدا رۆڵی میدیای ئازاد و بەرپرسیار خراوەتە ژێر پرسیارەوە.

ئاماژەی بەوەشداوە،هەرێمی کوردستان کە پێویستی بە چاکسازی گشتگیرە، ئەم چاکسازییە بێ میدیای ئازاد و بێ رۆژنامەنوسی سەربەخۆ کە بەدوای سەرەداوی کەیسەکانی گەندەڵی و خراپبەکارهێنانی دەسەڵات بکەوێت سەرناگرێ.

بزوتنەوەی گۆڕان دەشڵێت دەمانەوێت  یادی رۆژی رۆژنامەگەری کوردی بكەین بە  دەرفەتێک بۆئەوەی داوا لە دەسەڵاتی دادوەری و دادگای پێداچونەوە بکەین بڕیارێکی یاسایی و دادپەروەرانە لە کەیسی رۆژنامەنوسان و چالاکوانانی بادینان بدات.

راگەیەندراوەكەی بزوتنەوەی گۆڕان لەیادی (123) ساڵەی رۆژی رۆژنامەگەری كوردی لەكاتێكدا دێت هەفتەی رابردوو ژمارەیەكی بەرچاو لەرۆژنامەنووسان و میداكارانی سەر بەبزوتنەوەی گۆڕان لەبەرامبەر داوا كاری  پێدانی موچەو دابینەكردنی مافەكانیان  لەبەردەم بارەگای سەرەكی بزوتنەوەی گۆڕان گردبونەوەیان ئەنجامدا بەڵام تائێستا بزوتنەوەی گۆڕان وەڵامی داواكارییەكانی نەداونەتەوە.

پەخشی راستەوخۆی رادیۆ پۆلەتیک