پۆڵەتیك پرێس
بەڕێوەبەری فڕۆكەخانەی نێودەوڵەتی سلێمانی ئاشكرایدەكات، بەمزوانە گەشتە ئاسمانییەکانی نێوان سلێمانی تاران دەستپێدەكاتەوە.
بەهۆی بڵاوبونەوەی ڤایرۆسی كۆرۆنا و هەڵكشانی ئامارەكانی توشبوون لەماوەی رابردوودا گەشتە ئاسمانیەكانی نێوان سلێمانی تاران راگیران.
تاهیر عەبدوڵڵا، بەڕێوەبەری فڕۆكەخانەی نێودەوڵەتی سلێمانی بۆ پۆڵەتیك پرێس وتی: “کۆمپانیایەکی فڕۆکەوانی ئێرانی دەستپێكردنەوەی گەشتە ئاسمانیەكانی نێوان سلێمانی تارانی راگەیاندووە، بۆ ئەومەبەستەش لەئێستادا سەرقاڵی وەرگرتنی رەزامەندی بەغدان”.
وتیشی “بەپێی ئەو خشتەیەی بڵاویانكردووەتەوە بڕیارە لە مانگی داهاتوو دەست بەگەشتەكان بكەنەوە”.