پۆڵەتیك پرێس
وەزارەتی دارایی دەستی بە ئامادەكاری بۆ دابەشكردنی موچەی مانگی نیسان كردووە، گەنجینەكانیش ئاشكرایدەكەن لیستەكە هاوشێوەی مانگەكانی ڕابردوو بە لێبڕینی 21% ئامادەكراوە.
بەبڕیاری حكومەتی هەرێمی كوردستان 25ی هەموو مانگێك دەست بەدابەشكردنی موچەی فەرمانبەران دەكرێت.
حەسەن ڕەشید بەرێوەبەری گەنجینەی یەك لە سلێمانی بۆ پۆڵەتیك پرێس وتی: “لەئێستادا دەستمان بە ئامادەكاری بۆ دەستكردن بە دابەشكردنی موچەی مانگی نیسان كردووە، لیستەكەش هاوشێوەی مانگەكانی رابردوو بە لێبڕینی 21%ی موچە ئامادەكراوە”.
وتیشی” تائێستا دیار نییە گۆڕانكاری لە ڕێژەی لێبڕینەكە و كاتی دابەشكردنی موچەكە دەكرێت یاخود نا، بەڵام ئێمە ئامادەكاری خۆمان كردووە”.