پۆڵەتیک پرێس
سەرۆکی فەرەنسا ئیمانوێل ماکرۆن بەڵێن ئەدات، ڕاوێژکاری دەروونی دابین بکات بۆ ئەو منداڵ و هەرزەکارانەی دوای توشبوونیان بە کۆرۆنا توشی دۆخی نەخوازراوی دەروونی بوون.
هەروەها ئاماژە بەوە دەدات کە بەردەوام دەبێت لەسەر پلانەکانی تا ئەو کاتەی، قەیرانی تەندروستی بەردەوام دەبێت، پاش کۆبوونەوەی لەگەڵ منداڵان و ناوەندی کێشە دەروونیەکان بەڵێنەکەی دا.
ماکرۆن پێی وایە داختسنی خوێندنگا بە هۆی کۆرۆناوە، هەروەها ڕاگرتنی چالاکی و داخستنی هەندێک شوێن کاریگەری خراپی لەسەر دەروونی منداڵان و هەرزەکاران دروست کردووە، بۆیە پێویستە لە هەر شوێنێکی جیهان بێت هاوکاری گەنجان و منداڵان بکرێت.
منداڵانی تەمەن ٣ تا ١٧ ساڵ کۆبوونەوەی بێ برامبەریان لەگەڵ پزیشکی دەروونی بۆ ڕێک دەخرێ، پزیشکە دەروونیەکانیش ئاماژە بەوە دەدەن، مردنی کەسی ئازیز و خزم و کەس و کار بەهۆی کۆرۆناوە، کاریگەری زۆر خراپی لەسەر دەروونی منداڵآن دروست کردووە.
پزیشکەکان، حاڵەتی زۆریان تۆمار کردووە، وەک هەوڵ دان بۆخ خۆکوژی و خۆ بە کەم زانین، ترس و دڵە ڕاوکێ و چەندین نیشانەیتری تێک چوونی بارو دۆخی دەروونی.