رۆحانی بۆ عێراق: ئەمریکییەکان یاری دووسەرە دژی تیرۆر دەکەن

ئەم بابەتە 35 جار بینراوە

پۆڵەتیک پرێس

حەسەن رۆحانی، سەرۆکی ئێران لەپەیوەندییەکی تەلەفۆنیدا بە بەرهەم ساڵح، سەرۆک کۆماری عێراقی ڕاگەیاند، ئەمریکییەکان یاری دووسەرە دژی تیرۆر دەکەن و کارەکانیان لەسەر سنوری عێراق و سوریا ڕوون نییە.

رۆحانی جەختی لەوەکردەوە، ئەمریکییەکان هەمیشە ڕۆڵی تێکدەرانەیان لەناوچەکەدا گێڕاوە و بوونی هێزەکانیانشیان یارمەتیدەر نەبووە لەهێنانەدی ئاشتی و سەقامگیری ناوچەکە، وتیشی: دەکرێت بەغدا و تاران لەڕێی برەودان بە هەماهەنگی دوولایەنە ڕۆڵی گرنگ لەپەرەسەندنە هەرێمییەکاندا بگێڕن.

لەبارەی ئاسایشی عێراقیشەوە رۆحانی ئاماژەی بەوەکرد، ئاسایشی عێراق ئاسایشی ئێرانیشە و پتەوکردنی هێز و سەربەخۆیی و دەستگرتن بە پێگە هەرێمیی و نێودەوڵەتییەکەیەوە بۆ ئێران گرنگە.

هاوکات سەرۆکایەتی ئێران لەزاری سەرۆک کۆماری عێراقەوە ڕایگەیاند، کۆتاییهێنان بەمانەوەی هێزە بیانییەکان لەعێراق بڕیارێکی جددیە و هەر لەمڕووەوە دانوستانی ستراتیژی و بەردەوام بۆ گەیشتن بە ئەنجامی کۆتایی لەگەڵ ئەمریکییەکان بەردەوامە.

پەخشی راستەوخۆی رادیۆ پۆلەتیک