پۆڵەتیک پرێس
نۆکیا مۆبایلی نوێی ئێکس٢٠ دەخاتە بازاڕەوە، ڕکابەری مۆبایلە زیرەکەکانی بازاڕی پێدەکات.
پێکهاتەی مۆبایلەکە بەشێوەیەک دروستکراوە توانای پیسی و شێداری بگرێت، لە جۆرە شوشە و پلاستیکێک دروستکراوە بەرگەی ڕوشان و بەرکەوتن بگرێت، دووریەکانی ١٦٨.٩/٧٩.٧/٩.١ ملیمە، کێشەکەی ٢٢٠ گرامە.
شاشەکەی لەجۆری ئای پی ئێس ئێڵ سی دی یە بەقەبارەی ٦.٦٧ ئینج و دیقەی پیشاندانی ٢٤٠٠/١٠٨٠ پێکسڵ، تێکڕای ڕوناکیەکەی ٣٩٥ مۆمە و شەپۆلەکەی ٩٠ هێرتزە.
چارەسەرکەری پێشکەوتوی کوالکۆم سناپ دراگۆن٤٨٠ فایف جی بە تەکنیکی هەشت نانۆمەتر و چارەسەرکەری وێنەی ئەدرینۆ٦١٩ی تێدا بەکارهاتووە، مۆبایلەکە دوو جۆرە، جۆری یەکەم ڕامەکەی شەش گێگابایتە و میمۆریەکەی ١٢٨ گێگابایتە، جۆری دووەم ڕامەکەی هەشت گێگابایتە و میمۆریەکەی ٢٥٦ گێگابایتە.
چوار کامێرای بنەڕەتی بە دیقەی(٢+٢+٥+٦٤) مێگاپێکسڵ هەیە، کامێرای پێشەوەی بە دیقەی ٣٢ مێکاپێکسڵە و توانای ناسینەوەی دەموچاوی هەیە، دەرچەی بیستۆکەکەی ٣.٥ ملیمە، ڕیشاڵی ئێن ئێف سی تێدا بەکارهاتووە.
مۆبایلەکە شوێنی دوو سیمی هەیە، توانای پاتریەکەی ٤٤٧٠ ملی ئەمپێرە، نرخی لەبازاڕدا بەنزیکی ٣٥٠ یۆرۆ دەبێت.