ماوریسیۆ ساری دەگەڕێتەوە كاری ڕاهێنەرایەتی !

ئەم بابەتە 130 جار بینراوە

ڕاپۆرتە ڕۆژنامەوانییەكانی ئیتاڵیا ئاشكرایان كرد كە یانەی ڕۆمای ئیتاڵی لەم هەفتەیەدا پەیوەندییان بە ماوریسیۆ ساری ڕاهێنەری پێشووی یۆڤێنتۆسەوە كردووە

ئەمەش بەهۆی ئەوەوە دێت كە پاولۆ فۆنسێكای ڕاهێنەری ڕۆما هیچ دڵنیاییەكی نەداوە بە یانەكە لە كۆتایی وەرز گرێبەستەكەی نوێ بكاتەوە یاخود نا

ڕۆژنامەی سپۆرتی ئیتاڵی ڕایگەیاند فۆنسێكا بڕیاریداوە لە دوای كۆتایی هاتنی ئەم وەرزە ئەنجامی یانەكە هەر چۆنێك بێت ،یانەی پایتەخت بەجێبهێڵت

بەڵام هەندێك لە سەرچاوەكانیش پێیان وایە ئەگەر یانەكەی سەربكەوێت بۆ چامپیۆنزلیگ ئەوا ڕاهێنەرە پورتوگالییەكە مانەوە هەڵدەبژێرێت

سپۆرت ئەوەشی خستەڕوو كە لە هەفتەكانی داهاتوو كۆبوونەوەی زیاتر دەكرێت لە نێوان كارگێڕی ڕۆما و ماوریسیۆ ساری ڕاهێنەر بۆ بڕیاردان لەسەر داهاتووی یانەكە و دیاریكردنی ڕاهێنەر

‎شایەنی باسە یانەی ڕۆما لە پلەی حەوتەمی ڕیزبەندی خولی ئیتاڵیدا دێت و لە خولی یۆرۆلیگیش گەیشتووەتە قۆناغی چارەكی كۆتایی و لە یەكەم یاریدا بە ئەنجامی 2 – 1 لە ئەیاكس ئەمستەردامی هۆڵەندی بردەوە

پەخشی راستەوخۆی رادیۆ پۆلەتیک