لەسەر گەشتكردن لەهەرێمی كوردستانەوە بۆ ئێران رونكردنەوە دەدرێت

پۆڵەتیك پرێس

بەڕێوەبەرایەتی دەروازەی نێودەوڵەتی باشماخ رایدەگەیەنێت هاتوچۆ و گەشتکردن بۆ کۆماری ئیسلامی ئێران لەڕێگەی دەروازەسنوری یەکان بەشێوەی مەرجدارە و هەمووكەسێك ناتوانێت سەردانی ئێران بكات.

بەگوێرەی راگەیەندراوێكی بەڕێوەبەرایەتی دەروازەی نێودەوڵەتی باشماخ هاوڵاتیان ئاگادار دەکاتەوە کەوا بڕیاری ئاسایی کردنەوەی هاتوچۆ و گەشتکردن بۆ کۆماری ئیسلامی ئێران لەڕێگەی دەروازەسنوری یەکان بەشێوەی مەرجدارە و ئەوكەسانە دەتاونن سەردانی ئێران بكەن كە هەڵگری ڤیزای ئێرانن لە جۆرەکانیخوێندن ، نەخۆشی و دەرمان ، بازرگانی و وەبەرهێنان و خاوەن ئیقامە کارپێکراوەكان دەتوانن سەفەری ئەو وڵاتەبکەن.

بەگوێرەی راگەیەندراوەكە، هەڵگرانی ڤیزای گەشتیاری لەئێستادا ڕێگەیان پێ نادرێت تا 20-4-2021 سەردانی ئێران بكەن ئەوەش پێشتر ڕاگەیەندراوە.

هەروەها راگەیەندراوەكە ئاماژەبەوەدەكات، لەئێستادا لەبەشی نشینگەی باشماخ تەنها کار بۆ ئەوکەسانەدەکرێت کە بۆ مەبەستەکانی نەخۆشی و خوێندن و بازرگانی و خاوەن ئیقامەن و لە ئەگەری هەر گۆڕانکاری یەکی دیکەدا دەربارەی گەشتكردن و هاتوچۆكردن هاوڵاتیان ئاگاداردەكەنەوە.