پۆڵەتیك پرێس
وهزارهتی كاروباری شههیدان و ئهنفالكراوانی حكومهتی ههرێم بهبڕی پێنجسهد و 58 ملیۆن دینار مۆنۆمێنت و گۆڕستانی شههیدانی ئهنفال له قەزای چهمچهماڵ نوژهن دەكاتەوە.
عادل مەلا ساڵح، وتەبێژی وهزارهتی كاروباری شههیدان و ئهنفالكراوانی حكومهتی ههرێم بەپۆڵەتیك پرێسی راگەیاند، دوای كۆبونهوهی وهزیری كاروباری شههیدان و ئهنفالكراوان لهگهڵ یهكه ئیدارییەكانی چهمچهماڵ و ژمارهیهك لە رێكخراوهكانی بواری جینۆساید له سنوری قهزای چهمچهماڵ و له نزیكهوه گوێگرتن له كێشه و داواكارییه كانی كهسوكاری شههیدان لهو سنورە ڕاستهوخۆ داوای لە سهرۆكایهتی ئهنجومهنی وهزیران كرد كه ڕهزامهندی لهسهر چهند پڕۆژهیهكی گرنگ بۆ ئهو سنوره لهسهر بودجهی وهزارهتی شههیدان بدهن.
وتیشی:” ئهنجومهنی وهزیران ڕهزامهندی دهربڕی لهسهر خهرجكردنی بڕی پێنجسهد 58 ملیۆن دینار بۆ جێبهجێكردنی ژمارهیهك پرۆژه لەو نێوەندەشدا بهبڕی زیاتر له سهد و 2 ملیۆن دینار گۆرستانی ئهنفالكراوان نۆژهن دهكرێـتهوه كه له ههشتسهد و 40 گۆڕ پێكدێت”.
ئاماژەی بەوەشكرد، جگە لەنۆژەنكردنەوەی گۆڕستانی ئەنفالكراوان پرۆژهكانی دیكە پێكدێن له دروستكردنی گۆڕستانێكی تایبهت به روفاتی سهد و 71 ئهنفالكراو له زێدی خۆیان به بڕی زیاتر له سهد و 75 ملیۆن دینارو نۆژهنكردنهوهی باڵهخانهی مۆنۆمێنتی ئهنفالكراوان له بانی مهقانی سنوری چهمچهماڵ بەبڕی سهد و86 ملیۆن دینارو لێدانی بیرێكی ئیرتیوازی بەبڕی 95 ملیۆن دینار بۆ مۆنۆمێنتی ئهنفالكراوانی چەمچەماڵ بەمەبەستی سەوزكردنی.