ئەمریكا بەڵێنی پارێزگاری كردن بە ئیسرائیل دەدات

ئەم بابەتە 59 جار بینراوە

پۆڵەتیك پرێس

وەزیری بەرگری ئیسرائیل رایگەیاند، وڵاتەكەی بەڵێنیداوە لەسەر كێشەی ئەتۆمی ئێران هاوكاری ئەمریكا بكات بەو مەرجەی كە ئاسایشی ئیسرائیل پارێزراوبێت لە هەر مامەڵەیەكی نوێی ئەتۆمی كە واشنتن لەگەڵ ئێران ئەنجامی دەدات، وەزیری بەرگری ئەمریكاش پابەندبوونی ئیدارەی جۆ بایدن-ی بۆ پاراستنی ئاسایش و سەقامگیری ئیسرائیل دووپاتکردەوە.

بینی گانتس وەزیری بەرگری ئیسرائیل، ئەم قسانەی بە لوید ئۆستنی هاوتا ئەمریكییەكەی وت لە كۆنگرە رۆژنامەنووسییە هاوبەشەكەیاندا.

وەزیری بەرگری ئیسرائیل وتیشی:” وڵاتەكەی ئەمریكا بە هاوبەشی تەواوی خۆی دەزانێت لە تەواوی هاوكێشەكاندا نەك تەنها لە دۆسیەی ئێراندا.”

لای خۆیەوە لوید ئۆستن وەزیری بەرگری ئەمریكا پابەندبوونی ئیدارەی جۆ بایدن-ی بۆ پاراستنی ئاسایش و سەقامگیری ئیسرائیل و سەروەریی سەربازیی لە خۆرهەڵاتی ناوەڕاست پشتڕاستكردەوە.

رۆژی یەكشەممە، لوید ئۆستن وەزیری بەرگری ئەمریكابە سەردانێكی دوو رۆژە گەشتە ئیسرائیل بۆ تاوتوێكردنی پرسی گەڕانەوەی ئەمریكا بۆ ڕێكەوتنە ئەتۆمییەكەی لەگەڵ ئێران كە لەلایەن ئیسرائیلەوە دژایەتی دەكرێت، ئەم سەردانەش یەكەم سەردانی گەورە بەرپرسێكی ئەمریكایە بۆ ئیسرائیل دوای دەست بەكاربوونی ئیدارەی نوێی ئەمریكا بە سەرۆكایەتی جۆبایدن.

پەخشی راستەوخۆی رادیۆ پۆلەتیک