لاهور شێخ جەنگی فۆڕمى ئەستۆپاكی واژۆكرد

ئەم بابەتە 48 جار بینراوە

پۆڵەتیك پرێس

هاوسەرۆكی یەكێتی نیشتیمانی رایگەیاند، فۆڕمی ئەستۆپاكی واژۆ كردووە كە لەلایەن دەزگای دەستپاكی و چاودێریی دارایی یەكێتیەوە ئامادەكراوە، داواش دەكات هەموو بەرپرسانی یەكێتی لە حزب و حكومەت فۆڕمەكە پڕبكەنەوە.

لاهور شێخ جەنگی هاوسەرۆكی یەكێتی رایگەیاند، ئەمڕۆ فۆڕمی ئەستۆپاكی واژۆ كرد كە لەلایەن دەزگای دەستپاكی و چاودێریی دارایی یەكێتیی نیشتیمانیی كوردستانەوە ئامادەكراوە.

دەشڵێت، “داواكارم لە هەموو هەڤاڵانی مەكتەبی سیاسی و سەركردایەتی و ئەنجومەنە هەڵبژێردراوەكان و هەڤاڵانی نوێنەرانی یەكێتی لە پەرلەمان و سەرجەم پۆستە حكومییەكان، ئەم فۆڕمە پڕ بكەنەوە و پابەندبونی خۆیان دووپات بكەنەوە”.

ئەوەش دەخاتەڕوو، پڕكردنەوەی فۆڕمەكە بە مەبەستی پەیڕەوكردنی شەفافیەت و بەرنامەی ئەستۆپاكیی حزبیە كە ساڵانە لەلایەن دەزگای دەستپاكی و چاودێریی دارایی یەكێتیی نیشتیمانی كوردستانەوە ئامادە دەكرێت.

پەخشی راستەوخۆی رادیۆ پۆلەتیک